Prezensa Jogu Latária Dijitál Atu Halo Mudansa Iha Merkadu TL

Smnewstl 02-04-2022 (Dili) — Dadauk ne’e, ejiste tan ona jogu lotária ho modelu dijitál iha ne’ebé la hanesan ho jogu lotária sira seluk ne’ebé antes ne’e ejiste ona iha Timor-Leste.

Operadór Lotaria Grand Dragon husi kompañia Red Star husi Malasia ne’ebé servisu hamutuk ho emprezáriu Timor oan balun ba prosesu rejistrasaun no lisensiamentu.

CEO Kompañia Red Star, Bartuk Harry hateten, iha loron 3 fulan Dezembru 2021, sira halo ona lansamentu bá ofisiál bá kompañia Red Star, nu’udar kompañia Lotária dijitál primeiru iha Timor-Leste, nune’e bele halo mudansa iha merkadu Timor-Leste.

“Ami hahú loke halo lansamentu bá kompañia ida-ne’e iha dia 3 Dezembru 2021, kompañia Red Star ne’e hanesan kompañia Lotaria Dijitál dahuluk iha Timor-Leste, objetivu nia tama iha Timor atu halo mudansa bá iha merkadu dijitál bá Lotaria nian,” dehan CEO Kompañia Red Star, Bartuk Harry, liu husi komferénsia imprensa sábdu ne’e iha edifísiu  Pantai-kelapa, Dili.

Hafoin lansa, traballador husi GD Lotto ka Lotária dijitál ne’e, ajensia hahú fa’an ona sira-nia produtu ho forma dijitál bá kliente sira.

“Hahú husi lansamentu, iha buat barak mak ami hasoru hanesan ami-nia ajensia agen pengecer sira ne’ebé mai iha ne’e, sira uza ona dijitál hodi halo operasaun bá ami-nia produtu,” dehan nia.

Sorin seluk, Marketing Kompañia Red Star, Lídia Basílio Perreira reforsa, kritéria bá ajensia bainhira atu fa’an billete (SDSB) Lotária dijitál nian maka tenki lori kartaun eleitorál hodi halo rejistrasaun, nune’e bele rejista iha sistema hodi bele kontrola servisu operasional nian.

Bá kliente sira, Lídia Basílio subliña, sira mós presiza rejista ho kartaun eleitorál inklui númeru telemóvel, nune’e bele hetan kódiku, bainhira manán (kona SDSB), bele lori bá agen atu verifika molok halo pagamentu.

“Kritéria ne’e mak presiza de’it eleitorál ho númeru telemóvel ne’ebé ativu, tanba bainhira atu rejístu, pessoalmente tenki lori sira-nia eleitorál mai depois ami halo rejistrasaun hotu ami hatama sira-nia númeru telemóvel, depois ami sei send fali kode On Time Password (OTP),” esplika Lídia.

Nune’e mós, Joanito Perreira da Costa konsidera, jogu SDSB Lotária dijitál ne’e di’ak liu kompara ho jogu mannual seluk, tanba dijitál ne’e moos no lalais.

“Kompara ho mannual ne’e, ida machine (mákina) ne’e mak di’ak liu, tanba ne’e moos. Ema atu sosa fó osan mai sira fó númeru ami hakerek depois print ho númeru telemóvel, karik kona, ami husi agen Dragon sms kedas bá sira dehan, parabéns ita-boot kona ho osan montante hanesan ne’e,” informa Joanito.

Grand Dragon Lotaria nia prosesu dulas bola halo iha nasaun Kambodia no kliente sira bele asesu liu husi pagina ofisial Red Star no Grand Dragon Lotaria kada loron tuir oráriu ne’ebé iha no oras ne’e eziste ona iha nasaun ulau (8) iha Sudeste Aziátiku.

Grand Dragon Lotaria sei kontribui tasa ba Estadu hahú husi 10% to’o 11% no ami nia atividade hotu ho sistema digital, nune’e garante sei iha transparente atu kontribui  reseita ba Estadu.

Prémiu ba jogu Grand Dragon Lotaria hahú husi 6D too 2D iha valór diferente depende ba kliente sira nia sorte. Oras ne’e Grand Dragon Lotaria iha ona ajénsia hamutuk 37 ne’ebé sirkula iha Díli laran no iha parseiru ne’ebé prontu atu servisu hamutuk iha 10 no Grand Dragon Lotaria garante sei alarga ba munisípiu 12 inklui Rejiaun Administrativu Oé-Cusse Ambeno (RAEOA) iha tempu besik.

Entretantu, hahú fulan Abríl ne’e, jogu lotária dijitál ne’e, selebra promosaun atrativa hamutuk ho kliente sira, sosa billete liu husi dólar $ 10 to’o $ 20 mak sei manán prémiu kareta ho motor.

Ajensia Lotária dijitál ne’e sei kobre de’it iha Munisípiu, maibé, sira planeia ona atu espande tan bá Munisípiu 13 inklui rejiaun Oe-cusse no Ataúro.

Lotária dijitál ne’e mós hetan ona lisensa husi MTKI liu husi Inspetoria Jogus hodi hala’o atividade negósiu no mós hetan ona lisensa atu bá fa’an Lotária dijitál nian iha Timor-Leste.

Entretantu, kompañia Red Star dadauk ne’e, fó ona servisu bá Timoroan na’in 10, ne’ebé hala’o servisu iha agen iha Dili.(ant)