PR Promulga Dekretu-Lei Konversaun CNA Sai Institutu Públiku

Smnewstl.com- Palásiu Prezidensiál, 01 Marsu 2023-Prezidente Repúblika, José Ramós-Horta, promulga Dekretu-Lei númeru 3/2023, 15 Fevereiru hodi transforma Komisaun Nasionál Aprovizionamentu – CNA “sigla iha portuguez” sai Institutu Públiku.

Dekretu-Lei ne’ebé publika ona iha loron 15 fulan Fevereiru atu atu hasa’e kapasidade jestaun, resposta no autonomia instituisaun CNA hodi mellora liután efisiensia no efikasia aprovizionamentu iha setór públiku administrativu.

Ho lejislasaun ne’e, Institutu Públiku ne’e hetan atribuisaun hodi halo prosedimentu aprovizionamentu ho valór iguál ka liu millaun id aba servisu no entidades setór públiku administrativu.

Komisaun Nasionál Aprovizionamentu mos bele halo  prosedimentu aprovizionamentu husi Presidénsia Repúblika, Parlamentu Nasionál, Rejiaun Autóma Oecusse no Munisípiu sira, waihira iha solisitasaun.

Institutu ne’e kria liuhusi Dekretu-Lei númeru 14/2011, 30 Marsu atu presta servisu aprovizionamentu ba liñas ministerias no entidades públiku sira seluk, liuliu ba projetu infraestrutura estratéjiku no alkanse tranparénsia ba prosesu aprovizionamentu Estadu nian.(smnews)