PR Horta Apoiu Oan Kiak Nain 6 Iha Same

Smnewstl.com – Prezidénsia Repúblika, liu husi Servisu Sosiedade Sivíl, fó apoiu humanitariu ba oan kiak nain ne’en iha Munisipiu Manufahi, Postu Admistrativu Alas, Suku Dotik.

Hafoin simu tiha apoiu hirak ne’e, Ermelinda da Conceição hanesan oan feto boot iha familia ne’e, ho matan ben hato’o agradese ba Prezidente Repúblika, J. Ramos-Horta, ne’ebé la haluha sira hodi tulun sira iha situasaun difisil ida ne’e.

Iha fatin ne’e mós Asesor Sosiedade Sivil Prezidénsia Repúblika, Quintiliano Moniz hateten, apoiu hirak ne’e husi Prezidente Repúblika atu hakman netik sira-nia terus tanba haree sira-nia kondisaun moris ne’ebe difisil tebes, Asesor ne’e hateten katak sei informa ba prezidente atu nune’e bele apoiu konstrui netik uma simples ida ba alin na’in hirak ne’e, inklui haree mós sira-nia estudu.

Nesesidade bázika sira ne’ebé Servisu Sosiedade Sivil entrega iha Biban ne’e mak hanesan Foós, Mina, Material sira dapur nian, Kulsaun, Manta no Seluktan. (*/SMnews)