PNTL Sei Rekruta Membro Foun 720

Smnewstl.com 11-02-2022 (Dili) — Vise Ministru Interior (MI), António Armindo hateten, ministériu ho komandu jerál Polísia Nasionál Timor-Leste (PNTL) liderado Faustino da Costa planeia ona atu rekruta tan membru foun hamutuk 720 iha tinan 2023.

António Armindo aprezena planu hirak ne’e ligado ho rekursu umanu iha PNTL ne’ebe sai preokupasaun komando tanba membru barak mak mate no balun tama ona iha idade reforma.

“Ha’u lakohi atu ko’alia, saida mak Primeiru-Ministru nu’udar Ministru Interior ko’alia, mais ha’u hanesan Vise Ministru interior jatamente tinan ne’e la rekruta, tinan oin tenke rekruta, tanba ita haree bá realidade ne’ebé mak iha polísia hasoru problema ne’ebé boot ida, sira menus ema, kuantidade ema la prense ona,” Dehan Vise MI António Armindo, iha edifísiu MI vila verde, sesta ne’e.

Governante ne’e informa, tinan reuniaun Komisaun Revizaun Orsamentu Polítika (KROP) bá Orsamentu Jerál Estadu (OJE) 2022 nian, Ministériu Interiór ho Komandu Jerál PNTL aprezenta ona proposta rekrutamentu ne’e, maibé la hetan aprovasuan iha KROP.

Tan ne’e nia afirma, bá OJE 2023 nian, Ministériu Interiór ho Komandu Jerál PNTL sei propoin nafatin proposta refere bá KROP, nune’e 2023 bele ona rekruta membru PNTL foun na’in 720.

“Tanba ema menus ona,ne’ebé kuantidade ne’ebé ita aprezenta iha KROP, 2023 ida ne’e mak sei propoin, maske nune’e ko’alia parte ha’u nia de’it maibé ha’u sei konsulta lai ho PM nu’udar MI, nia konkorda ka la Konkorda, tanba naturalmente la’ós ha’u-nia desizaun ne’e, MI nia desizaun,” tenik nia.

Nia konsidera, rekrutamentu bá membru PNTL foun ne’e importante, tanba dadauk ne’e, komandante Jerál PNTL mós preukupa ho efetivu PNTL ne’ebé hahú menus bá daduak, tanba balun mate no balun idade tama bá reforma.(ant)