Smnewstl.com – 09 Outubro 2024 (LAOS) – Primeiru-Ministru (PM), Kay Rala Xanana Gusmão, partisipa iha simeira Association of Southeast Asian Nations (ASEAN) bá dala-44 no 45 ne’ebé realiza iha Sentru Konvensaun Nasionál (NCC, sigla inglés), Vientiane, Repúblika Demokrátika Populár (RDP) Laos.
Primeiru-Ministru to’o iha fatin serimónia simu hosi Prezidente Repúblika Laos, Thongloun Sisouliuth ho espoza.
Asuntu prioridade sira ne’ebé sai foku diskusaun iha Simeira ne’e mak hanesan integrasaun ekonómika, realizasaun futuru ida ne’ebé inkluzivu no sustentável, transformasaun dijitál, papél kultura no arte ASEAN nian bá inkluzaun no sustentabilidade, planu estratéjiku no vizaun komunidade ASEAN 2025, reziliénsia bá mudansa klimátika, papél feto no labarik sira nian iha transformasaun ASEAN no reziliénsia iha seitór saúde.
Partisipa iha simeira ne’e Vise Prezidente Repúblika Indonézia, Ma’ruf Amin, Prezidente Brunei Darussalam, Hassanal Bolkiah, Primeiru-Ministru Cambodia, Hun Manet, Primeiru-Ministru Malázia, Dato Seri Anwar Ibrahim, Prezidente Filipina, Bongbong Marcos, Primeiru-Ministru Singapura, Lawrence Wong, Primeiru-Ministru Tailándia, Paetongtarn Shinawatra, Primeiru-Ministru Vietname, Pham Minh Chinh, Prezidente Koreia Súl, Yoon Suk-yeol no Sekretáriu Jerál ASEAN, Kao Kim Hourn.
Delegasaun ne’ebé akompaña Primeiru-Ministru mak hanesan Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, Ministru Negósiu Estranjeiru no Kooperasaun, Bendito dos Santos Freitas, Ministra Solidariedade Sosiál no Inkluzaun, Verónica das Dores, Vise Ministra Asuntu ASEAN, Milena Maria da Costa Rangel, Embaixadór Timor-Leste iha Laos, Filomeno Aleixo da Cruz, Xefe Gabinete Primeiru-Ministru nian, Elizabeth Exposto. (*/Smnews)
Komentariu