PM Xanana Orienta Reabilita Rezidensia Ba Mediku Kubanu

Smnewstl.com – Primeiru-Ministru, Kay Rala Xanana Gusmão fó orientasaun ba Ministériu Obras Publika (MOP), Ministériu Planeamentu Investimentu Estrateziku (MPIE) no Ministériu Saúde (MS) atu halo reabilitasaun urjensia ezidensia ba dotor no mediku Kubanu bele hela iha Bidau Toko Baru Dili.

Orientasaun ne’e, Xefe Governu fó, hafoin hamutuk ho Ministru Obras Públika-Samuel Marçal, Ministra Saúde, Elia A. A. dos Reis Amaral no Ministru Planeamentu Investimentu Estrateziku, Gastão Francisco de Sousa hala’o vizita no obserbasaun direita kondisaun fiziku rediensia komesa aat.

“Ita presiza hadia urjensia para fasilita dotor sira bele hela ho di’ak,” dehan PM Xanana.

Hafoin halo obserbasaun, Ministru Obras Publiku, Samuel Marçal koordena kedas ho Mistra Saúde no Ministru Gastão hodi halo preparasaun reabilita iha semana ne’e.

Rezidensia ne’ebé halo komesa tempu Indonézia nian kompostu hosi uma boot tolu, no coby house rua dadaun ne’e kondisaun fiziku komesa aat hanesan, uma kakuluk kalen komesa kuak no plafon dodok hotu ona, inklui moru protesaun ne’ebé halo haleu uma komesa nakosu hotu.(Smnews)