Smnewstl.com— Primeiru-Ministru (PM), Kay Rala Xanana Gusmão hala’o observasaun bá sentru lixu Tibar liu-liu haree direta projetu konstrusaun atu halo transformasaun bá lixeira hodi redúz ahi-suar ne’ebé durante ne’e fó impaktu negativu bá saúde komunidade iha área ne’e inklui lori mós risku bá kamada ozôniu.
Iha vizita ne’e, Primeiru-Ministru ko’alia mós ho na’in bá kompañia konstrutór projetu kona-bá progresu servisu.
Molok hakat to’o iha Lixeira Tibar, Xefe Governu observa mós fatin mamuk sira ne’ebé antes ne’e okupa hosi sidadaun sira, liu-liu fatin risku sira hanesan Tasi-ibun Praia dos Coqueiros no Bebonuk.
Vizita ne’e Primeiru-Ministru akompaña hosi Ministru Obras Públikas (MOP), Samuel Marçal, Ministru Administrasaun Estatal (MAE), Tomás do Rosário Cabral, Ministru Planeamentu no Investimentu Estratéjiuku (MPIE), Gastão Francisco de Sousa no Sekretáriu Estadu Assuntu Toponímia no Organizasaun Urbana (SEATOU), Germano Santa Brites Dias.(*/Smnews)
Komentariu