PM Xanana Konsidera Teste Eletroniku Ba Kandidatu Professór Rihun 13-Liu Atu Kumpre Regras Loloos

Smnewstl.com – Primeiru-Ministru, Kay Rala Xanana Gusmão hamutuk ho Ministra Edukasaun, Dulce de Jesus no Prezidente Komisaun Funsaun Públiku (KFP) abertura teste eskritu eletronika bolsa ba kandidatus professor/a hamutuk rihun 13-liu, ne’ebé hala’o iha Komisaun Funsaun Públika (KFP) Kaikoli-Dili.

Xefe Governu apresia teste eskritu eletronika bolsa ba kandidatus professor nu’udar kondisaun ida ne’ebé avansadu tebes atu governu koko kandidatu professor/ hotu ninia kapasidade tuir kritériu no regra loloos.

“Parabéns bai mi professor rihun 13 ne’e, se mak liu labele kontente, tanba imi liu ona iha misaun ida atu servi ita nia oan sira no estadu no ba sira ne’ebé la liu lalika lakon esperansa, tanba prepara aan tuir nafatin teste,” dehan PM Xanana liu hosi deskursu.

IX Governu Konstitusionál sei hasoru problema boot iha área edukasaun no saúde, tanba sei presiza lori tempu naruk atu hadia kualidade edukasaun no aumenta númeru professor/a ne’ebé atu fahe sira nia matenek hanorin oan sira iha hosi eskola hahú hosi kiik too iha universidade.

Xefe Governu hatutan, atu loke vaga ba professor/a no mediku sira ospitál presiza koordena didi’ak ho KFP hodi rekruta tuir regras no prosidimentu ne’ebé loloos, la’òs bolu no tama arbiru de’it.

“Dala ruma ita foin tama governu fula ida rua, ema ejije dehan, buat hotu- hotu atu halo hotu kedas ona. Karik maka ita bele fulan tolu halo hotu kedas, mandatu governu lalika too tinan lima. Tanba ne’e atu evita kazuias sira ne’ebé atu manan iha eleisaun no kazuias tama rihun ba rihun no PAS-Oé-Cusse (Prontu Atu Servisu) mai rihun ne’e. Ita iha sistema ida ne’ebé aplika ho di’ak, funsionáriu hotu- hotu ne’ebé simu knaar ba kaer servisu, kaer ho laran no fuan, tanba ba la’òs atu simu osan, maibé ba atu servi rai no povu ida ne’e,” dehan PM Xanana.

Ho rekurtamentu eletronika bolsa ba professor/a sira, Xefe Governu Xanana kongratula Prezidente KFP no Ministériu Edukasaun, tanba kria ona teste eletroniku, hodi halakon tiha buat ida “bolu tama de’it, la tuir teste”, no fasilita liu hosi tiu no tia, aman sarani no inan sarani labele mosu bebeik.

“Ha’u kongratula Prezidente KFP no funsionáriu tomak, tanba ita tenki harii sistem ida ne’e, sistema ida ne’ebé kredivel no povo tomak haree katak, professor sira tama tuir gras no loloos duni,” PM agradese.

Iha oportunidade ne’e, PM husu ba kandidatu professor/a sira atu hakasan tuir teste hodi prinxe no responde pergunta sira ho di’ak, nune’e bele pasa iha teste eskrita eletronika ne’e. no ba sira ne’ebé karik la liu, labele lakon esperansa, tanba governu sei fó nafatin oportunidade ba prossor hotu tuir teste, importante maka kumpre regras no dixiplina nafatin iha atitude nu’udar edukador no manorin di’ak ba alunus no nasaun.

“Kandidatu sira esforsu aan ba, lalika lakon esperansa, karik la liu karik, dehan la iha ona no ba prosta, prosta, tanba protesta la manan buat ruma. Tanba edukasaun sei presiza nafatin hadia sistema no iha área rurais labarik sira la konsege ba eskola falta professor/a,” dehan PM.

Iha programa governu nian mós sei kontinua identifika àrea rurál ne’ebé labarik barak sei harii eskola no rekruta professor/a kualifikaduno halo uma ba professor sira hodi ba hanorin alunus sira ne’ebé sai nu’udar jerasaun kontinuador atu sai sidaun di’ak ba futuru nasaun.

Xefe Governu hatutan, problema edukasaun sai nu’udar fatin importante ba ema hotu atu tau hanoin hodi forma oan sira hahú hosi ki’ik estuda no aprende too sira boot sei kaer no hadia destinu nasaun sei sai di’ak liután. (*/Smnews)