PM Xanana Konsidera 2024 Nudar Tinan Implementa Programa no Halao Dezenvolvimentu

Smnewstl.com – Primeiru-Ministru Kay Rala Xanana Gusmão informa tinan 2024 nu’udar tinan ba IX Governu Konstitisionál atu hahú implementa programa no hala’o dezenvolvimentu iha Timor-Leste.

Hafoin simu pose iha loron 01 Julho 2023, durante fulan neen no loron 120, governu konsentra makas liu hodi hadia legislaun sira no deskute no lori programa no Orsamentu Jerál Estadu (OJE) 2024 nian ne’ebé PR Horta rasik promulga ona ho montante millaun rihun US$ 1,95.

Xefe Governu promote, bainhira membru governu sira hala’o servisu la masimu bele troka iha dalan klaran, tanba kargu membru governu ne’ebé povu fó fiar atu hadia nasaun no povu nia moris.

“Hau dehan ba prezidente agora maka foin hahu,orsamentu jeral Estado (OJE) 2024 Promulga ona,Governu iha fulan neen hadia uma laran ,agora maka governu tenki prepara aan  atu ezekuta programa ne’ebe sira hosu osan atu tau,tanba hau dehan ona ba Ministeriu/ministra sira ,iha fulan Marsu ba oin hau sei la’o buka haree kda Ministerio halo saida,Se Maka La halo sai,tau seluk ita bele Kumpre,laos  mai atu sai ema Boot,Povu Hili atu halo buat ruma ba Rai Ne’e”

informa PM Xanana, hafoin hala’o enkontru semenál ho Prezidente Repúblika, José Ramos-Horta iha Palasiu Prezidensiál, Dili.

Hatan pergunta jornalista kona-ba avaliasaun dezempeñu ba servisu membru governu sira nian, Xefe Governu Xanana esplika katak, durante fulan neen nia laran, membru governu sira idak-idak sei fokus de’it ba servisu hodi intala sistema servisu no hadia jestaun administrasaun iha liña ministéria no instituisaun estadu nian tuir politika IX Governu Konstitusionál. (SMnews)