PM Xanana Komfirmado Sei fo Mensagem ba Loron Veteranos no Diskuti Jere Fundos Miliaun 40 

Smnewstl.com – Prezidente Administrasaun Consellu Combatentes Libertasaun Nasionál (CCLN), Vidal de Jesus “Riak Leman” akompaña hosi Vice Preziente CCLN, Marito Reis no Vice Prezidente Brigadeiru Jenerál, João Miranda “Aluk Descartes” hala’o enkontru ho Primeiru-Ministru Kay Rala Xanana Gusmão atu fó mensajen ba Loron Nasionál Veteranus iha 03 Marsu 2024.

Mensajen xefe governu nian ne’e hodi komemora Loron Nasionál Veteranus Ho forma atu fó onra ba kontribuisaun husi mártires, kombatentes no veteranus ne’ebé mak luta ba independénsia Repúblika DemokrátikaTimor-Leste.

Iha ekontru amizade ne’e, Prezidente CCLN, Vidal de Jesus “Riak Leman” ho ekipa mós konversa ho avontate hodi husu hanoin di’ak sira ba Xege Governu Xanana atu ajuda onsá halo jestaun no jere fundu veteranus nian ne’ebé rai hela iha banku Timor-Leste ho montante milliaun $40, tanba iha hanoin balun ba futuru posibilidade bele harii banku veteranus, inklui fundus ne’e bele harii klinika, eskola no seluk tan.

Hafoin rona tiha informasaun hirak ne’e, Xege Governu agradese no husu veteranu sira kontinua hametin sira nia unidade no organiza aan atu halo buat di’ak ba nasaun no povu Timor-Leste tuir prinsipiu luta FALINTIL nian.

Xefe Governu promote, iha loron 03 Marsu 2023, sei fó mensajen jerál ba veteranus hotu iha Timor-Leste no Ministru Asuntus Kombatentes Libertasaun Nasionál, Gil da Costa Monteiro “Oan Soru” sei kontinua koopera ho CCLN hodi haree asuntu hirak ne’ebé hato’o.

Iha parte seluk, Brigadeiru Jenerál, João Miranda ‘Aluk Descartes hosi orientasaun hosi PM Xanana no Diretora Jerál Gabinete Primeiru-Ministru, Ursula Ferrão Pinto hodi haree kona-ba servisu Sala Situasaun Sentru Integradu Jestaun Krize (SS-SIJK) nian.(*/Smnews)