Smnewstl.com – Primeiru-Ministru (PM), Kay Rala Xanana Gusmão enkoraza House Democracy Partnership (HDP), atu kontinua hametin relasaun ho Timor-Leste (TL) hodi harii dame iha mundu.
Primeiru-Ministru fó korazen ne’e bainhira simu vizita hosi membru HDP na’in-rua mak hanesan Nick Rahall ho Erik Paulsen, hanesan mós eis-membru Parlamentu Estadu Unidus Amérika (EUA), iha Palásiu Governu, segunda (24/06/2024).
“Primeiru-Ministru husu no enkoraza ami hosi House Democracy Partnership atu kontinua hametin relasaun ho Timor-Leste hodi harii dame iha mundu,” Nick Rahall hateten hafoin enkontru.
Membru HDP na’in-rua ne’e sente kontente tanba bele hasoru-malu no ko’alia direta ho Primeiru-Ministru Xanana Gusmão liu-liu rona vizaun kona-bá demokrasia, transparénsia no dezenvolvimentu iha área oioin, haree liu oinsá atu fó moris di’ak bá povu Timor-Leste.
HDP durante ne’e fó apoiu tékniku bá Parlamentu Nasionál Timor-Leste nian no fasilita deputadu ho funsionáriu sira hodi bá hala’o estudu komparativu iha EUA.
Enkontru ne’e taka ho tara tais no Xefe Governu entrega mós kafé Timor hanesan sinál amizade. (*/Smnews)
Users Today : 490
Yesterday : 836
This Month : 35428
This Year : 159737
Total Users : 255962
Views Today : 1122
Total views : 1042920
Who's Online : 8
Komentariu