PDHJ Rejista Keixa Violasaun Direitus Umanu 68

Smnewstl.com 15-10-2021 (Dili) – Hahú husi fulan janeiru to’o setembru tinan 2021 ne’e, Provedoria Direitus Umanus no Justisa (PDHJ) rejista keixa bá kazu violasaun direitus umanus hamutuk 68.

Provedora PDHJ, Jesuina Maria Ferreira Gomes hateten, husi keixa 68 ne’e, maioria komete husi Polísia Nasionál Timor-Leste (PNTL) hamutuk 68, maibé, husi númeru ne’e, 30 resin mak PDHJ loke ona investigasaun.

Nia hatutan, prosesu investigasaun bá keixa sira-ne’e depende mós bá situasaun, bainhira aplika fali serka sanitaria no konfinamentu obrigatóriu bá Covid-19, maka PDHJ sei extende tan, tanba tenki kumprimenta bá regras saúde nian ne’ebé milita PDHJ labele tun bá munisípiu.

“Keixa ne’ebé rejista husi janeiru to’o agora halo violasaun direitus umanus iha 68, maioria komete husi membru PNTL, investigasaun bá tinan ne’e nia tama ona númeru 30 itál husi 60 itál prosesu la’o hela, tanba investigasaun bá prosesu kazu sira-ne’e, nia han tempu 6 meses to’o 1 ano,” dehan Provedora, Jesuina Gomes, iha PDHJ kaikoli, Dili. Sesta ohin.

Entretantu, husi keixa 68 ne’e, PDHJ sei halo tuir prosedimentu liu husi relatóriu avaliasaun prelimináriu hodi haree, keixa refere iha duni indísius tuir kompeténsia PDHJ nian, bainhria kabe bá kompeténsia PDHJ nian mak sei loke investigasaun.

“Depois de halo investigasaun mak sei halo relatóriu final investigasaun atu konklui kakak, akontese violasaun direitus umanus ga la’e. Depois de konklui tiha relatóriu investigasaun ne’e, hamosu mós rekomendasaun iha relatóriu iha ne’e rasik, no kada trimestral ami konvida públiku par mai haree kona-ba publikasaun relatóriu sira-ne’e par atu fó hatene katak, violasaun ne’e halo tuir instituisaun iha fatin ida-ne’ebé no nia rekomendasaun ne’e saida,” tenik nia.(ant)