Partido CNRT Liderado Xanana Gusmao Lansa ba Publiku Sentru Formasaun Karatayano

Smnewstl.com 17-10-2021 (Dili) – Presidente Partido Congreso Nacional Reconstrusun Timor-CNRT, Kay Rala Xanana Gusmão, Domingo ne’e lansa ba publiku Sentru Formasaun Karatayano iha Sede Bairos Gerilos Dili.

Centru refere hari husi Movimentu Professional Apoio Xanana (MOPAX), hodi dezenvolve juventude sira nia kakutak hodi servi hikas fali sidadaun sira.

MOPAX rasik hanesan organizasaun movimentu ne’ebé halibur profesionais sira mai husi profisaun ho abilidade oin-oin atu apoio Partido CNRT iha programa no eleisaun sira.

Iha biban ne’e, lider masimu partido CNRT Presidente Kay Rala Xanana Gusmão rekuinese Sentru Formasaun Karatayano kiik maibé bele hahú hahu dadauk no importante maka tenki dezenvolve ho fuan hodi bele lao ba oin bebeik ba bo’ot.

“Parabéns ba MOPAX ho membru sira hotu, aktu ne’e nudar inisiativa diak atu forma joventude sira, loke kakutak no neon atu komprende siensia, teknolojia no inovasaun, hahú forma sidadaun foun ne’ebé iha kbiit, sidadauns ne’ebé iha kakutak lao ba oin hodi servi; dehan Xanana Gusmão.

Eis Presidente Republika no Primeiro Ministro ne’e enkoraja MOPAX no quadros Partido CNRT atu kontinua dezenvolve an, fatin ne’e tenki sai aliserse ba fatin de insino de formasaun ba joven sira. Nune’e iha futuru bele sai fatin de excelênsia.

“Lao neneik ba, lao nafatin, hakat ida, dalaruma hasoru kuak no monu maibé tenki hamriik, hodi hakat ba Uma Bo’ot Formasaun de Excelênsia ba Joventude sira,”hato’o Xanana (anto)