Operadór telekomunikasaun Promete Hadia Kualidade

Smnewstl.com – Operadór telekomunikasaun Timor Telecom – TT, Telkomsel no Telemor promete hadi’a haforsa koolaborasaun, hodi hadi’a kualidade servisu.

Komprimissu ne’e hato’o hafoin partisipa iha konferénsia Bali Annual Telkom International Conference – BATIK ne’ebé realiza iha Wetin Hotél Nusa Dua Bali iha loron 6 fulan Setembru foin lalais ne’e no operadór sira partisipa iha eventu ne’e, bazeia ba konvite husi Telkomsel Timor-Leste – TELIN TL.

Konferensia BATIC 2023, husi delegasaun CEO Telkomcel Timor-Leste, VP Mareting & Sales Telkomcel, Enterprise & Wholesale Telkomcel, CEO Viettel Timor-Leste (Telemor), reprezentante CEO Viettel Global no Chief Finance Officer Timor Telecom & Head of Core & RAN Planning Timor-Telecom.

Tuir CEO Telkomsel Timor-Leste – TELIN TL, eventu ne’e nu’udar komprimissu ida hodi kontribui ba dezenvolvimentu ekonómiku, liu-hosi servisu telekomunikasaun & informasaun teknolojia iha Timor-Leste.

Armonizasaun ba servisu ne’ebé sei opta ho lansamentu programa hanaran, Laloran Inovasaun, Alkansa Futuru Dijitalizasaun ou “unleashing the Innovation Wave, Enabling a Digital Tomorrow”.

Responsável ne’e fiar katak, operadór telekomunikasaun sira iha Timor-Leste, sei konsolida no harmoniza servisu, hodi inspira indústria telekomunikasaun iha future. (*/Smnews)