Smnewstl.com 28-12-21 (Dili) — Tribunál Distritál Dili (TDD) liu husi desizaun primeiru interrogatóriu aplika medida koasaun prizaun preventiva bá arguidu JDC, tanba diskonfia oho ona nia fen matebian Domingas no hakanek nia oan na’in rua ho idade 3 ho 4.
Polisia Lori Sai Arguido Oho Fen no Hakanek Oan 2 Iha Liquica Husi Sala Julgamentu Primeiro Interogatorio Nune’e kontinua lori ba Prizaun Becora, Tersa-feira, 28-12-2021. Foto SMNews/ Joao A. Guterres
Razaun Tribunal aplika medida koasaun prizaun preventiva ne’e ba arguidu tanba, iha indísiu bá krime omisídiu agravadu hodi halakon nia kaben Domingas nia vida no tentativa omisídiu tanba hakanek oan rasik ne’ebé sei ki’ik. Hafoin aplika medidas koasaun prizaun preventiva, parte Polísia lori kedas arguidu bá prizaun Becora.
Polisia Lori Sai Arguido Oho Fen no Hakanek Oan 2 Iha Liquica Husi Sala Julgamentu Primeiro Interogatorio Nune’e kontinua lori ba Prizaun Becora, Tersa-feira, 28-12-2021. Foto SMNews/ Joao A. Guterres
Tuir Defensor Públiku, Jonas Henrique aseita ho medida koasaun ne’e, tanba adekuadu ba nia kliente hodi asegura arguidu sira-nia prezensa durante investigasaun.
Iha primeiru interogatoriu ne’e, Ministériu Públiku promove arguidu ba krime omesídiu agravu no tentativa omisídiu dala rua ne’ebe previstu iha artigu 142 kodigu penal Timor Leste.
Entretantu, Polísia Servisu Investigasaun Munisípiu Likisá kaptura iha loron 25 hodi halo detensaun ba arguidu durante oras 72 molok aprezenta bá Primeiru Interrogatóriu iha TDD.
Arguidu ta’a nia fen iha parte ulun, kakorok ne’ebé rezulta lezada mate fatin no hakanek nia oan nain rua iha loron 23 madrugada iha aldeia Vatubou Munisipiu Likisá.
Primeiru interrogatóriu ne’e prezidi husi juiza singular Maria Solana, Ministériu Públiku reprezenta husi Prokuradór, Ricardo Leite no arguidu hetan asisténsia legal husi Defensor Públiku, João Carvalho.(ant)
Komentariu