Ohin Madrugada, Membru F-FDTL Foun Ida Halai Sai Husi Sentru Instrusaun Metinaro

Smnewstl.com 20-10-2021 (Dili) – Iha Kuarta-Feira madrugada ne’e, membru foun FALINTIL Forsa Defeza Timor-Leste (F-FDTL), ida ho naran kompletu, Adelio Fernandes do Rego, deside halai sai husi sentru instrusaun Metinaro, tanba la aguenta ho treinamentu ne’ebé todan tebes.

“Ohin madruga dia 20/10/2021 membru rekrutamento foun F-FDTL ida halai sai husi Markas no halai mai uma Membru nee ho naran, Adelio Fernandes do Rego, husi munisípiu, Manufahi hela fatin Becora Becuase Centru,” sita husi komunikadu imprensa ne’ebé Smnewstl asesu husi relasaun públika F-FDTL, kuarta ne’e.

Membru foun Adelino Fernandes do Rego, dadauk ne’e, Polísia Militár asegura ona iha kuartel unidade Polísia Militár nian, hafoin bá kaptura iha nia rezidénsia iha Bekusi.

“Dadaun Polísia Militár kaptura ona iha kuarta Polísia Militár kronolojia halai sai laos foin primeira vez mais antes ne’e koko atu hlai sai maibe la konsege,” haktuir komunikadu ne’e.

Entretantu, antes ne’e, membru foun F-FDTL na’in ida deside husu rejignasaun bá Komandu F-FDTL, tanba la aguenta ho treinamentu militár nian.

Nune’e, ikus mai, Komandu F-FDTL deside halo substituisaun kedas bá membru foun husi kandidatu rezervadu ne’ebé apuradu ona, nune’e bele kompleta fali númeru 600 tuir tárjetu Komandu F-FDTL nian.

Entretantu, membru foun 600 ne’e hahú tama tuir formasaun no treinamentu iha sentru instrusaun Metinaro, iha loron 27 fulan Agostu tinan 2021.(ant)