Smnewstl.com — Haktuir karta ho númeru referénsia 70/MNEC/VII/2025, loron 4 Jullu 2025, ne’ebé mak Ministru Administrasaun Estatal reprezenta Ministru Negósiu Estranjeiru no Kooperasaun aprezenta nota delegasaun ba reprezentasaun MNEC iha ámbitu Simeira Komunidade País Lian Portugues nian (CPLP) ho razaun importante balu.Aproveita oportunidade ida ne’e mós, Ministru Administrasaun Estatal Tomás do Rosário Cabral aprezenta pedidu sorumutu kortezia ho omólogu Ministru Administrasaun Interna, Doutora, Maria Lúcia Amaral no sorumutu ne’e akompaña mós husi Embaixadóra Timor-Leste nian iha Portugál, Señora Isabel Amaral Guterres no Xefe Gabinete, Benigno Humberto da Cruz.
Reuniaun ne’ebé mak realiza iha edifisiu Ministériu Administrasaun Interna, iha Praça Komérsiu-Ala Oriental, reuniaun ne’e realiza hodi aprezenta pozisaun Governu Timor-Leste nian ne’ebé firme atu reforsa lasu amizade entre nasaun rua, partikularmente iha área Administrasaun Eleitorál ne’ebé konsidera esensial tebes ba konsolidasaun Estadu Direitu Demokrátiku ba fortalesimentu Instituisaun hodi garantia prosesu eleitorál ne’ebé mak livre, justu no transparansia.Iha introdusaun husi Ministru Administrasaun Estatal informa katak hanesan kuiñesimentu husi Ministra, oras ne’e Timor-Leste iha esforsu signifikativu hanesan sentidu ba melhoria organizasaun no jestaun iha prosesu eleitorál, ne’ebé atualmente iha faze ba preparasaun ba reforma lei eleitorál ne’ebé mak moderna, inkluziva no aliña ho prátika internasionál.
Hare ba asuntu pertinente rekuiñese esperiensia nasaun Portugál nian iha área Administrasaun Eleitorál no komprova ho kapasidade téknika, no bele tau importansia ba susesu husi inisiativa ida ne’e, Timor-Leste bele konta ho apoia administrasaun Eleitoral Portuguesa nian, nomeadamente iha prosesu ba preparasaun ho código eleitorál ne’ebé mak iha ona esbosu maibé presija halo revisaun hikas fali antes avansa ba prosesu tuir mai, ne’ebé mak sei kontribui mós ba prosesu eleisaun poder lokál no eleisaun jerál sira iha nasaun Timor Leste.Hafoin aprezenta breve informasaun husi importansia reuniaun ida ne’e, ho antusiasmu no laran ksolok Ministra Administrasaun Interna Portugal hato’o nia seriedade no rejista informasaun ka asuntu sira ne’ebé aprezenta husi nia omólogu ka maluk governante husi Timor-Leste.
Ministra hatutan katak sistema ba prosesu eleitorál, sistema dijitalizasaun no lian kuaze hanesan ho nasaun Timor Leste, tamba ne’e mak informasaun ne’ebé mak hato’o konsidera importante tebes hodi bele kontribui ba mellora servisu administrasaun públika liu husi hasa’e kuiñesimentu rekursu umanus liu husi lingua iha servisu administrasun públika, instala sistema dizitalizasaun husi Balkaun úniku hodi hakbesik atendimentu ka servisu públika ba sidadaun sira, no konkorda atu bele estabelese akordu kooperasaun sira ne’ebe mak sei akumula asuntu pertenenti sira ne’ebé mak aprezenta husi Governu Timor-Leste.
Reuniaun ne’ebé mak hala’o liu minutu tolu nulu nia laran la’o ho amigavel no Governante sira iha vontade di’ak atu bele aselera realizasaun ba asinatura akordu kooperasaun ida ne’e, ho nune’e bele implementa mós hanesan parte ida preparasaun prienxe rekezitus no mellora servisu administrasaun públika iha Munisípiu no Autoridade Administrativa Ataúro antes hakat ba eleisaun poder lokál iha tinan 2027(*/Smnews)
Komentariu