Ministra Edukasaun Partisipa Seremonia Tomada Posse Prezidente Na’in 5 Ba Instituisaun Sira Ne’ebe Tutela Iha MPRM

Smnewstl. com – Ministra Edukasun partisipa iha serimónia tomada posse ba prezidente na’in lima (5) hanesan, ANP.I.P., ANM.I.P., IGTL.I.P., TIMOR GAP, E.P., no MURAK RAI TIMOR, E.P ne’ebé tutela ba Ministériu Petróleo no Rekursu Minerais, iha Salaun Delta-Nova.

Iha serimónia ne’e Ministériu Petróleo no Rekursu Minerais Francisco Monteiro da Costa hateten, ba emposadu sira tenki iha sentidu ne’ebé nakonu ho misaun atu bele serivisu maka’as liu tán hodi alkansa objetivu.

“Ne’e la’os servisu kareira, maibé servisu misionál, nasaun no povu tomak nia antusiasmu ne’e imi hotu nia kontribuisaun, tanba knár ne’ebé simu la’os previléziu, maibé responsabilidade bo’ot ida ne’ebé nasaun hatúr hela iha imi idak-idak nia kabás”, dehan Ministru Petróleo.

Governante ne’e hatutan, husu ba família tomak nia apoiu ba sira na’in lima (5) hodi bele impeña knár foun ne’e ho didi’ak no sentimentu apoiu hotu ne’ebé sira presiza husi ema ne’ebé besik liu.

Enkuantu emposadu na’in lima (5) ne’e mak hanesan, Gualdino do Carmo da Silva, Presidente do Conselho Diretivo e Presidente da ANP, I.P., Rafael Danilson M. de Araujo, Presidente do Conselho Diretivo e Presidente da ANM, I.P., Job Brites dos Santos, Presidente do Conselho Diretivo e Presidente do IGTL, I.P., Rui Maria Alves Soares Presidente do Conselho de Administração e Presidente da Comissão Executiva da TIMOR GAP, E.P., José Manuel Gonçalves, Presidente do Conselho de Administração e Presidente da Comissão Executiva da Murak Rai Timor, E.P.(SMNews)