Ministra Edukasaun Partisipa Iha VIII Jornada Pedagojika Iha UNTL

Smnewstl. com – Ministra Edukasaun Dulce de Jesus Soares partisipa iha VIII Jornada Pedagójika ho objetivu atu kontribui ba hasa’e kualidade ensinu iha Timor-Leste no konsolidasaun ba língua portuges ne’ebé hanesan instrumentu ba akezisaun no asesu ba koñesimentu, iha Kampus Sentrál UNTL, Kinta-feira ne’e.

Iha diskursu ne’e Ministra Edukasaun Dulce de Jesus Soares hateten, prezensa iha ne’e hanesan previléziu ida, tanba loron ohin importante tebes hanesan loron ba jornada pedagójika UNTL.

“Hanesan Ministra Edukasaun iha responsabilidade máximu hodi identifika durante mandatu atu bele garante aprendizajen língua portuges ba timor oan hotu husi eskola sira iha kapitál to’o iha área remota sira”, dehan Ministra Edukasaun.

Governante ne’e hatutan, kuríkulu nasionál reforsa no apoiu tebes ba dezenvolvimentu lígua portuges no liu husi inisiativa sira ne’ebé halo haforsa liu tán prátika pedagójika ensinu nian iha Timor-Leste.(SMNews)