Membru F-FDTL Ne’ebé Soke iha Becora Hakotu Ona Iis Iha HNGV

Smnewstl.com 06-10-2021 (Dili) – Membru FALINTIL Forsa Defeza Timor-Leste (F-FDTL) ne’ebé hetan asidente iha Segunda-feira kalan mais ou menus tuku 12 besik Merkadu Becora, hakotu ona iis iha Ospitál Naisonál Guidu Valadares (HNGV) mais ou menus tuku 2 meudia ne’e.

Matebian ho naran kompletu Leonardo de Carvalho kondus kareta husi Instituisain Falintil FDTL husi diresaun Dili Metinaro.

To’o iha aredores Mercado Becora nian hetan asidente nune’e rezulta kareta oin hetan estragus no Leonardo Evakua kedas ba Hospital Nacional Guido Valadares Dili.

Durante loron tolu iha HNGV maske parte mediku halo esforsu hotu hodi bele salva, maibe planu nai maromak deside oin seluk nune’e ohin Kuarta-feira, (06-10-2021), termina membru Forca Defesa Timor Leste ne’e nia jornada moris iha mundo.

Matebian Leonardo de Carvalho husi Posto Administrativo Turiskai, Municipio Manufahi hanesan membru ativu iha Forca Defesa Timor Leste husi Komponente Terestre Baucau.

Família matebian hamutuk ho instituisaun F-FDTL transporta ona matebian bá nia rezidensia hodi bele halo’ot.

Entretantu asidente ne’e akontese iha merkadu Becora, iha ne’ebé diskonfia kondús kareta ho kondisaun lanu no halai ho velosidade a’as nune’e lakon kontrolu hodi rezulta asidente. (ant)