ME Monitoriza Exame iha Eskola balun iha Díli

Smnewstl. com – Ministra Edukasaun Dulce de Jesus Soares halo monitorizasaun ba prosesu exame iha eskola Ensinu Báziku 30 Siklu 30 de Agosto Comoro, Ensinu Báziku Sentrál 30 Siklu no Sekundáriu Jerál 10 de Desembro Comoro, Ensinu Sekundáriu Jerál 5 de Maio Becora inklui Eskola Internasional St. Jude Thaddeus Maskarinhas.

Ministra Edukasaun Dulce de Jesus Soares kongratula komunidade tomak ne’ebe apoia realizasaun prosesu eleisaun.

“Iha eskola ida mak nia aranju iha sala laran ladun kapas, tanba númeru estudante aas liu, labarik na’in rua tur hamutuk iha karteira ida ladun kapas no la avontade ba sira atu bele iha ambiente di’ak atu tuir ezame nasional, maibé ha’u fó ona informasaun ba sira atu aban bele forma kadeira kontra malu hodi estudante sira bele ezame ho di’ak”, dehan Ministra Edukasaun.

Tuir Governante ne’e, sei faze koresaun no karik iha asuntu ruma mak estudante balun la tuir ezame sei iha tan via daruak ba sira, nune’e prosesu sira ne’e sei kompleta iha fulan dezembru, atu sira ne’ebé mak ensinu sekundáriu hodi hakat ba ensinu superiór iha ona dokumentu kompletu.

Prosesu koresaun ba ezame nasionál sei halo iha Ministériu Edukasaun, tanba uza mákina no matéria sira ne’ebe uza ne’e elektoniku, tanba ne’e koresaun la’os iha nível munisípiu.(SMNews)