ME Ho Provinsia Hunan Xina Formaliza Parseiru Iha Area Doasaun Livru no Ekipa Teknolojia Dijitalizasaun

Smnewstl. com – Ministériu Edukasaun liu husi Sekretáriu Estadu Ensinu Sekundáriu Jerál no Ensinu Tékniku Vokasionál, Domingos Lopes Lemos ofisialmente formaliza estabelesimentu parseiru ho provínsia Hunan Xina iha área Doasaun livru no ekipa Teknolójia Dijitalizasaun, iha sala Konferénsia Ministériu Edukasaun Vila-Verde.

Hafoin asina memorandu entendimentu ho provínsia Hunan Xina Eselénsia Sekretáriu Estadu ESGETV Domingos Lopes Lemos deklara, asina Memorandu ohin Ministériu Edukasaun Timor Leste ho Xina ne’e apoiu Ministériu Edukasaun iha parte doasaun livru no ekipa teknolójia Dijitalizasaun ba eskola sira liu-liu eskola Téknika Vokasionál sira iha Timor Leste.

“Livru ne’ebé mak oferese hafoin asina memorandu ne’e livru hamutuk rihun ida, livru ne’e foka liu ba siénsia no teknolójia, livru hirak ne’e Ministériu Edukasaun seida’uk iha planu atu distribui direta ba eskola sira maibé, sei halo jestaun di’ak ba estudante sira”.

Ministériu Edukasaun konsidera edukasaun dizitál nu’udar solusaun importante ida atu asegura edukasaun ne’ebé edukadu no efetivu, asegura mós estudante sira nia asesu ba livru sira hodi halo imprensaun ba livru sira iha eskola”, dehan Eselénsia ne’e.(SMNews)