ME: Dirijente Seitór Edukasaun Tenke Selebra Loron Professór Sira iha Area Rurál

Smnewstl. Com – Ministra Edukasaun husu ba dirijiente no funsionáriu seitór edukasaun atu selebra loron professor ne’ebé monu iha loron 5 fulan Outubru, hamutuk ho professor sira iha área remotas.

Dulce de Jesus hato’o pedidu ne’e waihira dirijite atividade isár bandeira hodi hanoin hikas eroi sira nia luta ba libertasaun nasionál, iha resintu Ministériu Edukasaun, Vila-Verde, foin lalais nee.

Tuir Ministra Edukasaun Dulce de Jesus Soares hateten, selebrasaun evento iha ne’e iha área rural sei motiva professor sira, hodi hadi’a seitor edukasaun.

“Ministériu Edukasaun fulan ne’e iha selebrasaun bo’ot ida mak selebrasaun loron ba profesór no profesora sira, tanba ne’e ita idak-idak sai ba selebra hamutuk ho profesór no estudante sira atu iha situasaun ida-ne’e bele mós kria amizade entre estudante no profesór sira atu oinsá estudantes bele hatudu sira-nia domin no respeitu ba profesór no profesora sira”, dehan Ministra Edukasaun.

Governante ne’e mos husu husu ba koordenadór Kuríkulu atu konsentra ba data realizasaun ezame nasionál no husu atu relata ba Ministra Edukasaun no Sekretáriu Estadu Ensinu Sekundáriu Jerál no Ensinu Tékniku Vokasionál hodi bele haree asuntu ne’e, waihira iha problema ruma iha prosesu ne’e.

Atu garante susesu ba seitor edukasaun, Ministra ne’e husu atu funsionariu no dirijente seitor edukasaun halo orasaun kada loron, durante fulan Outubru nia laran, hodi husu grasa. (Smnews)