Smnewstl.com 02-12-2021 (Dili) – Xefe Estadu Maiór General Falintil Forsa Defesa Timor-Leste (F-FDTL), Tenente Jeneral Lere Anan Timur, rekomenda Diretor Institutu Defeza Nasionál (IDN), Comodoro Donaciano Costa Gomes Pedro Klamar Fuik substitui Xefe Estadu Maiór Forsa Armada (CEMFA), Brigadeiru Jeneral Calisto Santos ‘Coliati’ no ‘Coliati’ ba fali Comodoro Pedro Klamar Fuik nia fatin.
Lere husu ba públiku atu labele dúvida ho liaguajen ezonera no nomea, tanba atu ezonera no nomea fali ofisiais sira, tenki liu husi konsellu superiór militár. ”Ha’u propoin Pedro Klamar Fuik maka sei troka Coliati nia fatin, no Coliati maka sei bá troka fali Pedro Klamar Fuik, dehan Tenente Jenerál Lere Anan Timur nia knaar fatin Kuartel Jeneral Fatuhada, Kne’e.
Lere klarifika, governu labele ezonera Xefe Estadu Maiór Forsas Armandas, Calisto Santos ‘Coliati’, tanba nia la halo sala, tan ne’e, Prezidente Repúblika hanesan Komandante Supremu Forsas Armandas, tan ne’e nia mak iha kompeténsia prerogativu atu ezonera no nomea.
“Entaun, Xefe Estadu Maiór no Konsellu Ministru deside ezonera propoin i nia ezonerasaun hanesan mos komandante komponente sira, iha komponente tolu hanesan komponente Terestre, Komponente Naval Legeria no Komponente Aero. Tanba nomeasaun i ezonerasaun komandante kompoennte, hanesan xefe estadu maior, Vise Xefe Estadu Maiór, Xefe Estadu Maiór Jenerál so Prezidente da Repúblika maka iha kompeténsia,” dehan Lere.
Tanba ne’e, Lere afirma, hakarak Brigadeiru Jenerál Coliati mak sei substitui Komodoru Donaciano Costa Gomes ‘Pedro Klamar Fuik’ nu’udar Diretór Institutu Defeza Nasionál (IDN).
Ema atu ba troka Klamar fu’uk ne’e tenki ema ida ne’ebé maka kompetente, ema ida ne’ebé kompriende bá kestaun IDN nian. Entaun forsa hotu-hotu la’ós serve hotu atu bá IDN, iha ne’e pelumenus ha’u bele dehan katak, na’in-rua ou nain tolu, ida maka ida Brigadeiru Coliati ne’e, tanba nia maka bá bele fó kontinuidade bá servisu ne’ebé maka Pedro halo ne’e, mais ita haruka seluk dalaruma ba estraga tan maka iha, afirma Lere.
Tanba IDN ne’e nu’udar instituisaun Militár nian ne’ebé atu forma forma ofisiais forsa no Polísia nian, inklui kapasita xefe suku ka líder sira, tanba ne’e maka la’ós kualkér ema mak bá maibé só Coliati maka tenki substitui.(ant)
Komentariu