Lá Hetan Komfiansa, Virgílio Guterres Fila Ba Konselho Imprensa

Smnewstl 25-04-2022 (Díli) – Kandidatu Presidente Republika Virgílio Guterres ne’ebe husu dispensaun durante fulan tolu nia laran hodi konkore iha Eleisaun Prezidensial 2022-2027 fila hikas ba lidera Konselho Imprensa.

Liu husi konferensia imprensa Segunda-feira ne’e, iha Edifisio Balide Díli, Konsileiru Expedito Dias Ximenes informa ba publiku, durante fulan tolu asume knar hanesan Presidente Interino agradese ba komfiansa no hato’o bemvindo ba Virgílio Guterres.

Nia esplika, Virgilio Guterres halo tuir konkorensia elisaun presidensial i despensasi ne’ebe  conselho Imprensa fo ba nia durante fulan tolu no ohin 25 Abril remata ona nune’e tenki halao fila fali nia knar hanesan bai-bain.

Espedito rekuinese, durante periodo elisaun presidensial premeiru volta no sigunda volta iha koperasaun servisu diak husi jornalista sira hotu tanto média nasional nomos internasional nune’e lori Konselho imprensa lá haluha mos agradese ba ida ne’e.

“Ita servisu hamutuk maske iha pontus balun notas balun durante periodo elisaun presidensial Konselho Imprensa sei halo hela avaliasaun li-liu ba produtu jornalista sira nian.

“Konselhu Imprensa agradese durante fulan tolu nia laran aktividade ne’ebe jornalista halo lao ho di’ak no hatudu duni imparsialidade neutralidade iha aktividade jornalista durante elisaun presidensial.”Nia Relata

Iha fatin hanesan Presidenti Konsellu Imprensa Virgilio Guteres agradese ba Koseleiru Espedito Dias ne’ebe durante fulan tolu nia laran asumi  responsabilidade  bo’ot asegura servisu li-liu prezide plenaria no enkontru sira inklui tau matan  kobertura mèdia sira no mos lalaok jornalista sira nian liliu durante periodu importante iha kampaña eleitoral.

“Ohin loron 25 Abril 2022, loron importante ba loron liberdade ne’ebe Timor Leste hetan, hau hahù asumi fali hau nia kargu hanesan Presidenti Konselho Imprensa.”Informa.

Uluk atu ba kampaña mos halo hanesan komperensia Imprensa hodi fo hatene ba pùbliku katak, hau despensadu husi hau nia kargu i agora mai retoman fali hau nia kargu mos tenke hato’o ba pùbliku,”tenik Virgílio.

Virgílio Guterres rasik hanesan kandidatu Presidente Republika 2022-2027 ho numeru sortiu 12, ne’ebe iha eleisaun hetan votus 1720 ho pursentu (0,3). (Est)