Kuba Reafrima Kompromisiu Apoio Seitór Saúde

Smnewstl.com (Nova Iorke) – Governu Kuba reafirma komprimissu apoia dezenvolvimentu seitór saúde iha Timor-Leste.

Komprimissu ne’e deklara durante enkontru entre Ministra Saúde Timor-Leste, Elia dos Reis Amaral ho nia homólogu husi Kuba, José Angel Portal Miranda, iha Nova-Lorke, Estadus Unidus Amérika.

Tuir Komunikadu husi Palásiu Sinzas, Ministériu Saúde, Kuba hanesan nasaun maun-alin ne’ebé sempre prontu apoiu rekursu humanu iha seitór saúde, liu-liu iha disponibilizasaun kursu especializada sira, inklui assistência importante seluk.

Ministra Saúde, Elia Amaral hato’o agradesimentu kle’an ba Governu Kuba ne’ebé formalmente estabelese kooperasaun bilateral ho Timor-Leste iha tinan 2007, ho enkontru entre Primeiru Ministru Kay Rala Xanana Gusmão no Saudozu Prezidente Kuba, Comandante Fidel Castro iha Nasaun Malaysia.

Susesu husi kooperasaun ne’e, mak produz médiku jerál hamutuk rihun-ida resin ne’ebe gradua ona, nune’e mós sei iha tan médiku espesialista hamutuk na’in rua-nulu-resin-sai, ne’ebé sei remata sira-nia estudu iha area oi-oin. (Smnews)