Konsellu Ministru Indika ME Sai Responsável ba Projety BEST

Smnewstl.com– Governu Konstitusionál da-sai, indika Ministra Edukasaun, Dulce de Jesus Soares hodi hahu prosesu aprovizionamentu ba projektu BEST ba faze dahuluk, ne’ebé ninia kalendarizasaun analiza ona husi Konsellu Ministru iha Kuarta-Feira semana ne’e.

Projektu BEST abranje konstrusaun no reabilitasaun eskola sanulu (10), no mós atividade supervizaun no preparasaun dezeñu tékniku ba etapa tuirmai.

Inisiativa ne’e, aliña ho Planu Setoriál Edukasaun Timor-Leste tinan 2020-2024 (PSE) no Planu Estratéjiku Dezenvolvimentu Nasionál (PEDN tinan 2022-2023), ho objetivu atu hadi’a asesu ba edukasaun bázika ho kualidade ba ema hotu, efisiénsia ensinu báziku tuir padraun sékulu 21 nian no apoia hodi implementa estratéjia dezenvolvimentu munisipál nian.

Projetu ne’e rezulta parseria ida entre Banku Mundiál no Timor-Leste, tuir Country Partnership Framework (CPF) tinan 2020-2024.

Tuir planu, obra hirak ne’e sei implementa iha tinan 2025, ho finansiamentu dólar amerikanu millaun 23,55 no 15 milloes husi orsamentu ne’e mai husi empréstimu husi Banku Mundiál- International Development Association (IDA) no dolar amerikanu millaun 9,1 sei hetan subsídiu husi Globál Partnership for Education (GPE).(Smnews)