Smnewstimor, 04-09-2023– Catarina Furtado hanesan personalidade ida ne’ebé ema gosta liu iha televizaun Portugueza. Nia nomeadu hanesan Embaixadóra Boa Vontade UNFPA nian iha tinan 2000, no iha tinan 2010 Sekretáriu Jeral ONU Ban Ki-moon nomeadu nia hanesan Kampiaun ba Objetivu Dezenvolvimentu Miléniu. Nia simu kondekorasaun hanesan Komandante Ordem Méritu husi Prezidente Portugál Jorge Sampaio.
Hanesan Autora ba filme no Embaixadora Boa Vontade UNFPA nian, nia halo ona viazen ba Cabo-Verde, Timor-Leste, Guiné-Bissau, Haiti, Índia, Mosambique, São Tomé no Príncipe no Sudaun do Sul. Hahú husi 2016 nia dokumentariu televizaun ida, Príncipes do Nada, introduz ona ba audiénsia sira, kona-ba asuntu liga ho Saúde Materna no Saúde Seksuál no Reprodutiva, isin-rua adolesente, Violénsia Bazeia ba Jéneru, direitu umanos no dezenvolvimentu.
Hanesan Embaixadóra Boa Vontade ba UNFPA, nia koalia ona kona-ba mandatu UNFPA nian ba parlamentu, universidade, eskola, juventude no ONG sira. Nia mós serbisu hanesan moderadora ba eventu panel ONU nian lubuk ida.
Iha 2015, Sra. Furtadu publika nia livru ida ho titulu O Que Vejo e Não Esqueço ( Saida maka hau haree no hau la haluha). Livru ida ne’e bazeia nia esperiénsia nu’udár ativista no Embaixadora Boa Vontade UNFPA nian.
Iha 2023, Catarina simu prémiu no rekoñesimentu ba nia misaun ho UNFPA ba tinan 23 husi Diretora Ezekutivu UNFPA nian, Dra. Natalia Kanen, iha ámbitu enkontru Lideransa Mundiál iha Almaty, Kazakistaun. (smnews)
Users Today : 569
Yesterday : 1137
This Month : 1706
This Year : 161775
Total Users : 258000
Views Today : 1229
Total views : 1050601
Who's Online : 8
Komentariu