Klibur Estudante no Juventude Tapo Memo Bobonaro Hakarak Hamosu Municipio Foun

Smnewstl.com 15-11-2021 (Dili)– Klibur Estudante no Joventude Suco Tapo Memo-Oan (KLEJOTAMO), Posto Admnistrativu Maliana, Munisipiu Bobonaro hakarak hamosu tan municipio foun nune’e halo balansu ho municipio sira seluk.

Klibur Estudante no Juventude fundamenta sira nia razaun katak, tuir dadus husi Sensus 2010 no Sensus 2015 populasaun Munisipiu Bobonaro barak liu kompara ho munisipiu sira seluk iha Timor-Leste nune’e merese atu hamosu posto Administrativo no Municipio foun.

Municipio Bobonaro ho total populasaun 92,049 habitantes tuir dadus Sensus 2010 no total populasaun 97,762 habitantes tuir dadus Sensus 2015, ho Postu Administrativu 6, no total Suco 50.

Hare ba numeru ne’e tuir sira, merese duni atu hamosu tan Municipio foun.

“Tuir ami nia peskiza no monitorizasaun liu husi Nai Primeiru Ministru (PM), José Maria de Vasconcelhos alias Taur Matan Ruak no Ministru Administrasaun Estatal Dr. Miguel Pereira de Carvalho katak Munisipiu seluk iha direitu atu hetan ka aumenta tan Posto Administrativu sai ba hetan Munisipiu, Suco ba Sai Posto Administrativu iha Timor-Leste enkuanto Munisipiu Bobonaro ho nia total populasaun 92,049 habitantes tuir dadus Sensus 2010 no total populasaun 97,762 habitantes tuir dadus Sensus 2015, ho Postu Administrativu 6, no total Suco 50 labele hetan,”kestiona Moisés Vicente, Porta Voz KLEJOTAMO liu husi konfrensia imprensa, Domingo horseik.

“Ami Estudante no Joventude lamenta duni desizaun ida ne’e tanba, Ministru Administrasaun Estatal la halo peskiza ida klean liu wainhira deside, Postu Administrativu sai ba hetan Munisipiu.

Iha ne’e ami fó exemplu hanesan Munisipiu Dili hanesan Postu-Administrativu Ataúro sai ba Munisipiu, iha Munisipiu Ermera (Hatulia B) sai ba Posto Administrativu, no iha Munispiu Lautem iha Lore sai mos ba Postu Administrativu.

Ami husi Klibur Estudante no Joventude Tapo Memo-Oan, halo rekomendasaun ba VIII Governu Konstitusional nune’e identifika didiak antes intrega Postu Administrativu sai ba hetan Munisipiu. Tanba haree dadus husi Sensus 2010 no Sensus 2015 populasaun Munisipiu Bobonaro barak liu mos kompara ho munisipiu sira seluk iha Timor-Leste.

Klibur estudante no juventude ne’e husu mos ba Ministru Estatal atu labele halo diskriminasaun ba Munisipiu sira seluk iha Timor-Leste.

Moises Vicente hatutan, Munisipiu Bobonaro iha Intelektual barak no nia populasaun mos barak katak Postu Administrativu ida-idak iha Munisipiu Bobonaro bele iha direitu atu hetan tan Munisipiu foun.

Atu la halo konfuzaun, Moises rekomenda mos ba Ministru Estatal nune’e atu intrega Postu Administrativu Sai ba Munisipiu diak liu halo uluk peskiza ka survey uluk hodi la diskrimina munisipio seluk

Rekomenda ba VIII Governu Konstitusional diak liu maka poder nasional ne’e diak liu intrega deit ba poder lokal, lao tuir ita nia Lei Inan Konstitusaun da RDTL nian haruka.

Munisipiu Bobonaro rasik iha Postu Administrativu mak hanesan Bobonaro Atabae, Maliana Vila, Lolotoe, Balibo, Caicalo no Bobonaro rasik.

Ba informasaun ne’e rasik parte governo liliu Ministerio Administrasaun Estatal seidauk aprezenta pozisaun.(*/rio)