Kay Olo Kontinua Apoio Vítima Afeitado Desastre Naturais Iha Natarbora

Smnewstl.com – Kay Olo Gusmão, oan mane husi Eis Komandante Eim Xefe das Falintil atual Primeiro-Ministro Kay Rala Xanana Gusmão kontinua tun ba baze apoio vítima afeitado ba dezastre naturais.

Hafoin distribui nesesidades bazika ba vítima sira iha Município Ainaro no Covalima, Kay Olo mos kontinua hikas desloka ba iha Natarbora, Municipio Manatuto.

Prezensa Kay Olo ne’e lá ses mos husi saída mak Nia aman halao hanesan saída mak reafirma bebeik ona ba publiku katak, sei lá husik povu sente mesak saída mak hasoru durante situasaun defisil.

Sasan hirak ne’e, Kay Olo halibur hamutuk tuir informasaun ne’ebe Smnews asesu komfirma mai husi timoroan laran luak inklui Secretário Geral Partido CNRT atual Vice Primeiro Ministro, Francisco Kalbuady Lay rasik inklui kompanha York Transport.

Ba Kay Olo rasik tuir intervista ho Smnwstimpr dehan, senti kontenti Tamba bele tun direita ba hasoru Povu hodi fo ajuda.

“Hau sente kontenti ho kolega sira sente kontenti bele tun direta apoio ita bo’ot sira. Hau sei lá bele halo buat hotu, maibe ho fiar no ema hotu nia apoio, ita sei ultrapasa situasaun ne’ebe Imi infrenta,”tenik Kay Olo. (Smnews)