SMNewstl.com Media online -Sura Deit Loron ba Atleta timoroan, Felisberto De Deus Husi Modalidade Atletismo Timor Leste Atu Kompete iha Jogu Olimpico Tokyo 2020.
Husi Modalidade Atletismo, Tuir Kalendario Felisberto Sei Kompete Iha loron 3 fulan Agustu nee iha klase metru 1500. Felisberto Hateten, sira nia Preparasaun Ladun Lao Maximu Durante Iha japaun Tanba Regras No Protokolu Konaba Covid 19 nebee Forte.
“Ami nia preparasaun lao diak, maibe Regras nomos protokolu ba Covid 19 nian mak difikulta uituan ami nia preparasaun, tanba tenki limita ami nia oras treino. Iha Timor Leste ami treino kada loron, oras rua lae tolu maibe iha nee ami treino loron ida ho oras ida deit.”
Rekuinese maske iha difikuldades, maibe Felisberto nafatin reafirma nia pozisaun nafatin prontu atu Kompete ho dignu ba Timor Leste.
“Ami iha limitasaun, maibe Sei esforsu nafatin atu bele kompete ho Dignu ba Rai Doben Timor Leste, tanba ami mai atu kompete laos deit Partisipa, no hau agradese mos ba Povu Timor Leste nia Supporta no Orasaun ba ami Atleta sira nebee atu kompete iha eventu nee.”
Alende Felisberto De Deus nebe kompete iha Modalidade Atletismo, Timor Leste mos Iha Atleta Nain 2 seluk, Imelda Felisita Ximenes Belo no Jose Joao nebe’e Sei Kompete iha Modalidade Natasaun.
Jogus Olimpico Toqio Rasik Abertura ona iha 23 Fulan nee no Ensera iha Loron 8 Fulan agusto Tinan nee.
Komentariu