Intervensaun ba emerjénsia saúde públika sai preokupasaun ba OMS

Smnewstl.Com-Genebra, 13 Setembru 2023O rganizasaun Mundiál Saúde – OMS kontinua preokupa kona-ba intervensaun ba problema saúde públika iha mundu.

Prespetiva husi OMS ne’e aprezenta iha reuniaun ne’ebé realiza iha iha Kuartel Jerál Organizasaun Mundiál Saúde (OMS), Genebra, Suiça no Vise Ministru Saúde ba Operasionalizasaun Ospitál, Flávio Brandão Mendes de Araújo mak reprezenta Timor-Leste iha enkontru mundiál ne’e.

Governante ne’e mos hanesan ós Membru Konsellu Ezekutivu ba reuñiaun datoluk nian ne’e kona-ba Standing Committee on Health Emergency Prevention, preparedness and Response (SCHEPPR).

Flávio Brandão Mendes de Araújo subliña mos importância aposta ba emerjénsia saúde pública, ho baze aprezentasaun husi OMS, hodi atu iha prevensaun, preparasaun no resposta ba emerjénsia saúde.

Membro Konsellu Ezekutivu ne’ebé Partisipa iha reuñiaun SCHERPR hamutuk 34, no membru ba OMS hamutuk 196 inklui membru Estadu no Ajénsia Intergovernamental sira.

Iha parte seluk, Vise-Ministru Saude mos hato’o sentidu solidariedade ba nasaun Maroko ne’ebé afetadu husi rai-nakdoko hodi hamate ema rihun rua resin no mos estragus barak.(smnews)