Iha Portugal, Xanana ho Ekipa Mantein Pozisaun Luta ba Salva Guarda Soberania no Interese Nacional RDTL

Smnewstl.com 04-02-2022 (Lisboa)-Lider Nacional, Kay Rala Xanana Gusmao atual Xefe Negosiador Prinsipal ba Delimitasaun Fronteira Maritima ho ekipa kontinua konvoka reuniaun intisiva ho ekipa hodi hametin Pozisaun Timor Leste nian ba luta defende soberania nasaun. Reuniaun intensiva ne’e halao iha loron 2 to’o 5 Fevereiro 2022.

Tuir informasaun ne’ebe Smnews asesu komfirma, Kay Rala Xanana Gusmão, Xefe Negociador Principal, durante visita de trabalho iha Lisboa halão reunião intensiva sobre estratégia e planeamento ba negociações fronteiras terrestres no marítimas, hahu hosi loron 2 to’o 5 fevereiro 2022.

Reuniaun ne’e halao ho ho Advogados sira mak hanesan Sr. Michael Wood, Professor Vaughan Lowe, Eran Sthoeger, nomos especialista Dr Robin Cleverly nomos ho equipa técnica sira seluk.

Objetivo husi reinuan ne’e, Xefe ekipa teknika, Embaixador Roberto Soares mak oinsa reafirma no hametin posição Timor-Leste nian no explora possíveis opções ba resoluções pacíficas hodi continua luta no salvaguarda soberania no interesse nacional RDTL nian.

Aliende ne’e, tuir Embaixador Roberto katak, hahu hosi loron 7 to’o 15 Febreiro Kay Rala Xanana Gusmao sei atende mos atividades balun kona ba g7+ nian, nomos halo tratamento ba saúde, molok fila hikas ba Timor-Leste. (rio)