Iha Fatuhada, JN (60) Diskumfia Halo Abuzu Sexual Insestu ba Nia Oan Rasik

Smnewstl.com 14-09-2021 (Dili) – Tribunál Distritál Dili (TDD) liu husi desizaun primeiru interrogatóriu, aplika Termu Identidade Rezidénsia (TIR) no medidas koasaun aprezentasaun periódika semana ida dala ida bá arguidu ho inisiál JN (60), tamba diskonfia halo krime insentu hasoru oan feto rasik ho inisiál V tinan 22.

Kazu ne’e akontese dala rua tutuir malu ne’ebe dauluk iha loron, 8 Agostu no tuir fali maka loron la mensiona klaru. Maibe iha tinan ida nee duni.

Ba aktu ne’e, Defensor Publiku Marçal Mascarenhas ne’ebe fasilita asistensia ba sublinha, Ministériu públiku promove arguido JN bá tribunál ho krime rua mak hanesan, krime abuzu seksuál ho krime inseste ne’ebé prevístu iha artigu 172 kódiku penal.

Defeza ne’e hatutan, Ministériu Públiku mós akuza arguidu JN bá tribunal katak, arguidu JN halo insestu hasoru nia oan feto rasik dalarua. Dahuluk akontese iha loron, 8 fulan Agostu no tuir fali iha loron 15 iha sira nia rezidensia Fatuhada 2021 nee.

Ministériu Públiku husu bá tribunal atu aplika prizaun preventiva bá arguidu JN, maibé liu husi despaixu tribunal nian, aplika TIR no mós medidas koasaun aprezentasaun periódika, nune’e arguidu bele aprezenta aan bá postu polísia ne’ebé besik semana ida dala ida.

“Iha alegasaun husu atu hatama prizaun preventiva, ami husi defeza arguidu nian, ami husu bá tribunal atu aplika TIR ho aprezentasaun periódika, depois ohin 11 oras, tribunal hasai despaixu kona-ba medidas koasaun aplika bá iha arguidu aprezentasaun periódika semanál semana ida dala ida iha postu polísia ne’ebé besik liu depois hodi submete bá investigasaun tuir mai,” informa Defeza, Marçal Mascarenhas, Tersa ohin, iha TDD.

Difirente ho akuzasaun Ministerio Publiku, tuir Defensor Marcal katak, iha julgamentu, arguidu JN konfesa katak, nia nunka halo krime insestu hasoru nia oan ho inisiál V, maibé arguidu hirus nia oan, tanba haruka halo kafé vítima lakohi no deside halai tia fali bá nia tiun sira.

“Faktus bá kazu ne’e diskonfia arguidu halo krime insestu bá nia oan feto rasik, maibé iha primeiru interrogatóriu nia laran, arguidu dehan katak, nia nunka halo buat ne’e bá iha nia oan feton, soke nia hirus nia oan feto, husu ajuda atu halo kafé nia la halo, depois nia hirus nia oan feto halai tiha bá nia tiun sira,” haktuir Defeza.

Defensór Públika akresenta, arguidu inisiál JN mós konfesa tan bá tribunal katak, durante ne’e, nia iha problema ho vítima V nia tiun sira kona-ba uma ho rai, tanba ne’e, tribunal aplika TIR ho aprezentasaun periódika hodi hein prosesu investigasaun tuir mai.

“Nia dehan bá tribunal mós katak, agora dadauk, nia tiun ne’ebé mak nia oan feto halai bá ne’e, sira hirus malu hela kona-ba problema keta ida hanesan rai ho uma, ne’e mak ita lahatene problema ne’e tanba saida.? Tanba ne’e mak ita sei hein lai depois investigasaun remata ministériu públiku sei halo akuzasaun mai tribunal, provas sira-ne’e aban bairua izame bá mak provadus la provadus ne’e depois,” subliña nia.

Entretantu, julgamentu ne’e, prezide husi juíz Argentino Nunes, Ministériu Públiku reprezenta husi Prokuradór Nelson Carvalho no arguidu JN hetan asisténsia legál husi Defesór Públiku Jerál, Marçal Mascarenhas.(ant)