Horseik, Ekipa Konjunta Kaptura Sidadaun Rua Tama Ilegál Husi Mota-ain

Smnewstl.com 22-09-2021 (Dili) – Iha Tersa Feira horseik (21-0-2021) mais ou menus tuku 23:04 kalan, ekipa konjunta kaptura sidadaun na’on-rua Timoroan iha tasi ibun Motaain hafoin tama ilegalmente husi Indonézia mai Timor-Leste.

Ekipa konjunta ne’e kompostu husi Unidade Patrullamentu Froniteira (UPF) postu Motaain no Servisu Informasaun Polísia (SIP) kaptura sidadaun na’in-rua hafoin halo swepping iha tasi ibun hodi kaptura sidadaun Timor oan na’in-rua refere.

Sidadaun na’in-rua ne’e tama ilegalmente husi Indonézia mai Timor Leste liu husi via illegal tasi ibun, hafoin kaptura sidadaun na’in-rua ne’e deklara bá Polisia katak, sira na’in-rua estudantes universitariu iha Bali Indonézia.

Identidade husi sidadaun jovens na’in-rua ida ho naran, Bosco Juliano da Cruz Monteiro, husi Kefamenanu Indonézia moris iha loron 9 fulan Novembru tinan 1994, hela iha Bekuse Sentru Beco Dili Timor-Leste.

Enkuantu ida seluk ho naran, Rovanio Da Costa Belo, data moris, 27 fulan outubru tinan1994, hela fatin Vilaverde.

Medida ne’ebé autoridade seguransa polisial mak halo Auto entrega sidadaun nain rua ne’e ba ekipa saúde no mós imigrasaun Motaain hodi kumpri regras protokolu saúde no lei imigrasaun nian.(*)