Hetan Sidadaun Ida ho Kondisaun Laiha Ona I’is Latan Hela Iha Mota Laran ho Motorizada

Smnewstl.com (01-12-2021) – Kuarta-feira ne’e, maizumenus iha oras meudia komunidade Aenau, Suco Uaibobo, Posto Administrativo Ossu, Municipio Vikeke sente hakfodak hare sidadaun ida ne’ebe identifikadu mane latan hela iha mota laran kompleta ho Helem inklui motorizada, maibe ho kondisaun laiha ona I’is.

Tuir informasaun ne’ebe SMnewstl.com asesu husi sidadaun ida ho Id facebook Rito Generation Biquelae via telefone komfirma, sidadaun refere hetan husi nia feton ida ho aman ida ne’ebe ho Mpotorizada husi diresaun Aenau ba Baucau.

“Mate isin ne’e hetan husi bin ho tiu, sira ho Motorizada atu ba Baucau mak hetan e depois fo hatene nune’e ami liu ba hare. Nia toba latan hela iha mota laran kumpletu ho helem, enkuanto motorizada standar tun no para hela,”haktuir Rito.

Nia hatutan, durante oras tolu resin Polisia OPS husi Lelai ne’ebe to’o iha tereinu akompanha husi Xefe Suco Oaibobo ho familia matebean inklui kaben deside hamutuk halo evakuasaun husi Mota Laran nune’e lori sai ba rai maran hodi bolu Ambulansia lori hikas ba rezidensia iha Baucauba hodi halo’ot.

“Sidadaun ne’e mane ida, nia idade por volta 50 resin. “Ami mai ne’e, motor la monu, standar tun hela, maibe nia mak toba latan hela.

“Sidadaun ne’e husi Uaibobo ne’ebe hela kleur iha Municipio Baucau no atu ba vizita familia maka akontese dezastre ne’e. Nia monu horikalan ka ohin dader seidauk hatene, maibe tuir kornologia dehan sai ohin dadersan husi Venilale atu ba Kelekai maka mai to’o iha ne’e hodi hetan dezastrte, mais ita seidauk hatene klaru, tamba kabe fali ba kompotensia polisia nian.

Enkuanto to’o informasaun ne’e fo sai parte Polisia seidauk aprezenta pozisaun.(Rio)