Smnewstl.com – Primeiru-Ministru (PM), Kay Rala Xanana Gusmão orienta ona Ministru Obras Públikas (MOP), Samuel Marçal atu hapara projetu estrada iha postu administrativu Alas, munisípiu Manufahi ne’ebé hetan impedimentu hosi grupu balun.
Ministru Obras Publika simu orientasaun ne’e durante hasoru-malu ho Primeiru-Ministru, iha Palásiu Governu, sesta (19/07/2024).
“’ ’ ’ ’ . ’ . . – ’ ’ . ’ . , ,” Samuel Marçal hateten.
Antes ne’e Samuel Marçal promete ona bá lia-na’in sira no populasaun katak, bainhira iha problema ruma tenke rezolve tanba Governu laiha tempu atu rezolve problema sira ne’e.
Governante ne’e esplika, bainhira iha grupu ruma mak halo impedimentu bá obra Estadu nian ne’e krime, tanba ne’e iha momentu ne’ebá parte sira halo kompromisu katak, bainhira mosu impedimentu Governu sei hasai kompañia no ikus mai akontese duni, entaun tenke retira.
Iha loron 14 Juñu 2024, MOP lansa fatuk dahuluk bá projetu estrada Alas Wedeberek ho kilometru 23 ho millaun $13.8 ne’ebé sei ezekuta hosi kompañia CNI22 ho durasaun tinan ida fulan-ualu.
Ministru Obras Públikas bolu atensaun bá komunidade iha ne’ebé de’it katak, kualkér sidadaun mak halo impedimentu bá projetu ruma, Governu sei foti desizaun hodi kansela.
Iha oportunidade ne’e, MOP relata mós progresu reabilitasaun estrada sira bá Primeiru-Ministru katak, iha Dili laran hanesan Delta I, II no IV no Manleuana, balun atinje 70%, balun 80% no balun tau ona alkatraun.
Tanba ne’e, nia espera katak iha fulan Agusto empreza bele entrega obra sira ne’e bá Governu molok vizita Papa Francisco mai Timor-Leste. (*/Smnews)
Komentariu