Guilhermina Ofisialmente Lidera Dili, Anin ‘Hu’u’ Monu Letrato PR Lu-Olo Iha Seriomonia Ofisial Simu Posse

Smnewstl.com 20-09-2021 (Dili) – Iha serimónia tomada de posse bá Prezidente Autoridade Munisípiu (PAM) Dili, Guilhermina Filomena Saldanha Ribeiro, ne’ebe halao Segunda-feira ne’e iha Municipio Dili hatudo sinal husi forca natureza ne’ebe halo partisipantes sira hakfodak tebes.

Maske konsiderado bai-bain, maibe nudar srani katolika no fiar nain sempre iha espetativa oi-oin kona ba akontesimentu sira ne’e.

Tuir observasaun Smnewstl.com iha edifísiu Administrasaun Munisípiu Dili, foto Prezidente Repúblika, Francisco Guterres ‘Luolo’ ne’e monu, bainhira Prezidente Autoridade Munisípiu Dili foun, Guilhermina Ribeiro halo hela diskursu.

Retratu Xefe Estadu nian ne’ebé tau iha binkain laran no tara hela iha didin lolon ne’e, anin hú maka’as no monu tun bá rai, nune’e rezultadu vídru binkain hodi hafalun fotografia ne’e nian rahun.

Hafoin monu, funsionáriu ne’ebé servisu iha administrasaun munisípiu Dili, foti kedas Xefe Estadu nia foto iha rai, no lori tama kedas bá edifísiu munisípiu laran.

Ho fotografiia monu ne’e, halo partisipante sira n’ebé partisipa iha serimónia tomada de posse ne’e, sente hakfodak, tanba fotografia refere monu tun bá ho lian maka’as ho vídru binkain nian ne’ebé rahun.(ant)