Governu Preve Orsamentu HO Valor 1,6 Billaun iha OGE 2024

Smnewstl.com – Governu aprova ona proposta OGE ba 2024 ho valor billaun 1,6 dolares amerikanus ba despeza tinan 2024 no valor ida ne’e reflete ba redusaun porsentu 18, ekivalente millaun 360 kompara ho tinan 2023.

Dotasaun ba tinan 2024 ne’ebé aprovadu iha Segunda-Feira ne’e, liu-hosi reuniaun Konsellu Ministru agrega hanesan, 1.458.292.345 ba administrasaun sentrál, dolar amerikanu hamutuk 81.707.655 ba seguransa sosiál no dolar amerikanu hamutuk 60.000.000 destina ba Rejiaun Administrativa Espesiál Oekusi Ambenu.

Tuir desizaun husi Exekutivu, valor ida ne’e la inklui, Fundu Rezerva Seguransa Sosiál nian, ho montante hamutuk dolar amerikanu 162.007

Husi total 1.6 ba tinan 2024, dolar amerikanu 400.276.781 sei aloka ba saláriu no vensimentu no valor ida ne’e representa redusaun porsentu 14 relasaun  OGE 2023, dolar amerikanu 247.320 ba kapital menor no valor ne’e reprezenta redusaun porsentu 13 relasaun ho 2023, 177.606.384 ba kapital dezenvolvimentu reprezenta redusaun porsentu 24.

Exekutivu mos preve orsamentu 767.102.440 ba transferénsias públikas, ne’ebé maka reprezenta redusaun porsentu  13, kompara ho OJE tinan 2023.

Entidades públikas sei finaliza sira-nia proposta orsamentu, hodi bele analiza husi Komité Revizaun Orsamentál loron hahu loron 23 Outubru to’o loron 9 fulan Novembru.

Tuir previzaun, projetu Proposta Lei OJE tinan 2024 bele aprova husi Konsellu Ministrus to’o Loron 14 fulan-novembru tinan 2023 no sei entrega ba Parlamentu Nasional to’o loron 24 fulan-novembru.(Smnews)