Governo Hahu Produz Pontus Exame Nasionál

Smnewstl. com – Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Domingos Lopes Lemos observa direta produsaun pontus exame nasionál ba tinan letivu 2023, iha eskritóriu Empreza Sílvia iha Kolmera Díli.

Sekretáriu Estadu ESGETV confirma katak, prosesu impressaun ba matéria exame hahu iha loron 4 fulan Setembru no governu fiar katak, sei konklio antes loron 12 fulan Outubru, hodi distribui ba eskola sira.

Tuir Domingos Lopes, Governu iha Sentru Impressaun Nasionál localiza iha Komoro, maibe la uza ba impressaun, tanba kestaun tékniku balun.

“Sitauasaun ida mak ita nia Sentru Imprensaun ne’e sei utiliza hela makina manuál, tanba ne’e bele estraga buat barak, ho razaun ida ne’e maka governu liu husi M.E loke tenderizasaun hodi Kompañia sira ba aplika ikus kompañia Silvia mak manán”, dehan Sekretáriu Estadu ESGETV Domingos Lopes Lemos.

Tuir observasaun husi governante ne’e, materia balun remata ona, ba Ensinu tékniku vokasionál sei iha prosesu impressaun.

“Estudante ne’ebé mak sei tuir ezame nasionál tinan ano letivu 2023 ne’e hamutuk na’in 57 mil, kompostu husi estudante ensinu báziku to’o ensinu sekundáriu tékniku vokasionál.

Orsamentu ba imprime pontus ezame Nasionál tinan 2023, hamutuk rihun 218. Ezame nasional tinan 2023 ne’e sei realiza iha loron 16 fulan Outubru tinan 2023 iha nível teritóriu laran tomak.(SMNews)