G7+ Observa Prosesu Eleisaun Iha Sierra Leone

Smnewstl.com (Freetow) 22 Juñu 2023 – Misaun ba Observasaun Eleitoral observa prosesu eleisaun jerál iha iha Siera Lione ne’ebé sei realiza iha loron 24 fulan Juñu.

Misaun ne’e lidera husi Sr. Habib Mayar, Adjunto Secretario Geral husi g7+, Diretor Operasional g7+, Felix Piedade, Diretor Operasional g7+, Vice Presidente husi CNE Timor-Leste, Sr. Domingos Barreto, no Michael Clarke, Adjunto Diretor ba Monitorizaun no Avaliasaun husi CNE Liberia.

Observasaun ba prosesu eleisaun ne’e, nudar parte ida husi fahe esperiensia no aprende ba malu iha ninian program koperasaun entre nasaun frajil no nasaun frajil seluk ho objektivo, atu nasaun membru nasaun g7+ bele realiza eleisaun ho imparsiál, professional, independente no ho étika no Kontribui ba haforsa konsolidasaun demokrasia, paz no dezenvolvimentu liu husi observa eleisaun iha membru g7+ sira.

Tuir ajenda, misaun ba observasaun eleitoral husi g7+ nian sei observa abertura, votasaun, enseramentu no prosesu kontajem iha parte nebe diferente, konsidera prinsipiu objektividade, imparsialidade, independensia no profesionalismo.

Misaun ne’e mos sei hasoru Presidente husi Komisaun ba Eleisaun Sierra Leone nian no sei submete relatorio ba komisaun ba eleisaun depois votasaun.

Eleisaun ne’e, nu’udar prosesu eleitoral dala lima ona, desde funu sivil nebe akontese iha Sierra Leone iha 2002 no Iha 24 Junho, votasaun sei halo ba eleisaun 4 maka hanesan eleisaun ba, Presidente, Parlamentar, President Munisipiu no Camara Municipal.

Partido politiku hamutuk 13 mak registado ona atu partisipa iha Eleisaun Geral 2023, SLPP: Sierra Leone Peoples Party, APC: All People’s Congress, PMDC: People’s Movement for Democratic Change, RUFP: Revolutionary United Front Party, ReNIP: Republic National Independent Party, NDA: National Democratic Alliance, ADP: Alliance Democratic Party, NURP: National Unity and Reconciliation party, CDP: Citizens Democratic Party, PLP: Peace and Libration Party, PDP: People’s Democratic Party, UDM: United Democratic Movement, UNPP: United National Peoples party.

Kada partidu ida iha kandidatu rasik, maibé, aktual Prezidente Julius Maada Bio husi partido SLPP (Sierra Leone Peoples Party) no Samura Kamara, kandidatu husi All People’s Congress – APC ne’ebé hanesan mos Eis Ministro Negocio Estrangeiro no eis Ministro Finansas mak sai kandidatu forte.

Sierra Leone nia Populasaun hamutuk 8.421 million bazeia ba data (2021) no total votantes nebe’e registado ona hamutuk 3,374,258 bazeia ba data husi (Dec. 24, 2022) ho 79.75% no iha centro votasaun hamutuk 3.630 no estasaun de votos hamutuk 11,832, Instituisaun nebe’e mak jere prosesu eleisaun tomak mak

Komisaun Reguladora Eleisaun Siera Leone, Komisaun Eleitoál Siera Lione – ECSL, garante katak, eleisaun ne’ebé sei realiza iha sábadu semana ne’e sei realiza ho susessu.

“Mobilizasaun lojistika apartir aban (22/06) ba sentru votasaun sira no eleisaun sei komesa iha tuku 7 sabadu (24/06),” Deklara Xefe husi Komisaun Eleitoál Siera Lione – ECSL- Sigla Iha Ingléz, Mohamed k Konneh, liu husi konferénsia imprensa ne’ebé partisipa husi meius komunikasaun nasionál no internasionál.

Ba eleisaun tinan ne’e, ECSL kontinua enkorraja eleitor sira, atu partispa iha prosesu eleitorál ida ne’e, tanba importante ba konsolidasaun pás.

“Komissaun preparadu ba eleisaun ida ne’e, ami kontinua enkoraja atu partisipa iha eleisaun ida ne’e, tanba partisipasaun krusiál teb-tebes ba pás iha rai ida ne’e, pás iha ita-nia liman no garante nafatin pas. Sai esperiénsia di’ak, ita sai inkluzivu, hodi demostra katak, komisaun ida ne’e bele organiza eleisaun” Fundamenta.