Fronteira “Koak”, Autoridade Atambua Deporta Tan Sidadaun Timoroan 76 Inklui Feto Nain 6

SMNewstl.com, (27-08-2021)-Maske infrenta hela situasaun defisil ligado ho numeru infetado Kovid-19, ne’ebe rezista aumenta kada loron hodi ubriga nasaun tenki foti desizaun liu husi Konfionamentu obrigatorio iha Kapital Dili, maibe situasaun iha Fronteira nafatin sai ameasa maka’as ho movimentu ilegal.

Tuir informasaun ne’ebe SMNews asesu husi pagina offisial PNTL komfirma, movimentu ilgeal hodi fo espasu ba ameasa Kovid-19 sai hanesan problema seriu tamba autoridade nasaun rua Timor Leste ho Indonesia, (Sexta-feira, 27-08-08-2021) deporta tan sidadaun timoroan 76. Sidadaun hirak ne’e kompostu mane 70 no feto nain 6.

Ba SMNewstl via telefone, Komandante Unidade Patrulhamentu Fronteira, Superintendente, Euclides Belo rekuinese,
Membru PNTL servisu konjunta kompostu husi Unidade UPF, UPM, UEP, Komandu Munisipiu, Servisu Migrasaun akompana prosesu deportasaun ne’e liu husi porta entrada mota ain, Batugade mai Timor Leste.

Nia hatutan, sidadaun hirak ne’e autoridade seguransa Indonesia mak rekolha e depois halo identifikasau no deporta nune’e intrega ona ba Sentru Integradu Jestaun Krize hodi kumpri Kuarantina.

Eis Segundo Komandante Dili ne’e husu nafatin ba timoroan hotu atu konsiente a’an nudar timoroan, hadomi nasaun hodi la ultrapasa ilegal ba teritorio ema nian lori risku mai ema seluk nia vida.

“Ita nudar nasaun soberanu, tenki kulturaliza respeita ita nia lei hodi labele tohik. Espera ita nia sidadaun sira bele tetu no iha konsiensia ba ida ne’e,’nia husu

Kona ba Fronteira koak, Euclides klarifika, Fronteira laos koak, maibe nia distansia mak naruk los. “Maske ho numeru ne’ebe ki’ik, maibe la hamate ami nia espiritu atu servi, tamba ne’e ami nafatin halao misaun hodi servi ita nia povu no nasaun,”Euclides fundamenta. (Rio)