Faustino Konsidera Kazu’Rama Ambon’ Hana Ema Barak Los, Kampung Alor Hana Ema Nain 2

Smnewstl.com 15-11-2021 (Dili) – Komandante Jerál Polísia Nasionál Timor-Leste (PNTL), Komisáriu Faustino da Costa klarifika ba publiku katak, publikasaun balun ne’ebé ema iresponsável sira lansa iha Média Sosiál (Medsos) kona-ba rama ambom kona ema barak ne’e laloos.

Tuir Faustino iha duni kazu rua mak akontese iha área Kampung Alor Postu Administrativu Dom Aleixo n, enkuantu fotografia sira seluk ne’e, kazu ne’ebé akontese iha tinan hira ba kotuk.

“Hakarak klarifika tia lai publikasaun balun liu-liu iha fim de semana ne’e katak, rama ambom ne’e kona ema barak loos, mais atu dehan de’it, só iha akontesimentu rua mak iha duni, mais kazu balun ne’e akontese iha tinan balun bá kotuk ninian depois mak ema publika ka share fila-fali, ho kazu sira-ne’ebé akontese iha Kampung Alor liu-liu maioria iha área Dom Aleixo ninian,” dehan Komisáriu Faustino da Costa, iha Akademia Polísia Comoro Dili, Segunda ne’e.

Komisario PNTL ne’e sublinha, kazu rua ne’ebe akontese iha Kampung Alor kauza husi joven sira konsumu tua.

Enkuantu kazu seluk mós maka, iha ámbitu selebrasaun loron Masakre Santa Kruz 12 Novembru bá dala-30, nune’e iha grupu balun aproveita okaziaun ne’e hodi provoka situasuan.

Tan ne’e, Komandu PNTL orienta ona Komandante Munisípiu no unidade sira, atu halo patrullamentu rutina, nune’e hodi evita instabailiade iha rai laran.

“Tanba ne’e mak iha Dili mós ita forma orienta ona Komandante sira atu haree ekipa própriu iha fim de semana ne’e atu halo ona servisu liu-liu bá situasuan sira movimentu, atividade sira dehan katak, atividade la’o fila-fali, ne’ebé ita-nia ekipa la’o fila-fali ona,” afirma nia.

Entretantu, kona-ba situasaun jerál iha Munisípiu Baucau oras ne’e dadauk, Faustino da Costa afirma, situasuan la’o di’ak no kontroladu, tanba Komandu koloka tan forsa seguransa hodi bá fó apoiu seguransa iha Munisípiu Baucau, nune’e komunidade bele moris iha situasaun hakmatek.(ant)