Euclides Belo : UPF Firme Asegura Linha Fronteriza Husi Infiltrasaun Ilegal

Smnewstl.com Media Online-Virus Variante Delta dadaun ne’e sai ameasa makas ba mundo. Virus ne’e konsiderado hanesan onda ba daruak husi Covid-19, ne’ebe hamate ona ema rihun resin iha India no tuir kedas husi Nasaun vizinho Indonesia ne’ebe rezita kada loron mate atinze to’o atus lima resin.

Hare ba ameasas husi virus ne’e, laos deit taka odamatan Porto no Aeroporto ba movimentu sidadaun sira husi Estrangeiro, maibe mos Fronteira terestre hanesan Batugede, Mota Masin, Wini, Sakato no seluk tan presiza hetan atensaun masimu husi autoridade seguransa liu-liu Unidade Patrulhamentu Fronteira-UPF apio husi Falintil FDTL.

Komandante UPF, Superintendente Euclides Belo rekuinese ameasas husi virus Variante Delta, maibe hanesan autoridade seguransa nafatin kordena ho entidadades releventantes liliu iha linha fronteriza nunee hamutuk kontrola seguransa.

“Variante foun ne’e atu naran Delta ou nebe deit, ne’e parte saude maka hatene, ami nian maka oinsa garante seguransa nomos asegura infiltrasaun ilegal tama mai teritorio,”tenik eis Segundo Komandante PNTL Dili ne’e.

Nia hatutan, hanesan komandante foun nia parte sei kordena hela oinsa maka ajusta servisu li-liu iha area patrulhamentu, admnistrasaun nomos seluk tan nunee ema hotu bele seguru.

“Hau foin mak loro rua, tamba ne’e sei halo hela kordenasaun, ajusta servisu administrasaun, estabelse kalendario hodi hasoru malu ho entidades relevantes sira hotu inklui autoridade no komunidade hodi nune’e asegura liu tan seguransa iha Fronteira,”nia sublinha

Euclides reforsa liu tan hodi dehan, papel Policia nian maka asegura seguransa, tamba ne’e pronto hodi asegura linha Fronteriza ho apoio husi Falintil-FDTL, entidades relevantes, autoridade komunitaria, komunidade nomos ema hotu.

Ligado ho virus Variante Delta, Ministerio Saude liu husi Doretora Geral, Odete Viegas atual Kordenadora Vasina iha Timor Leste deklara ona, to’o oras ne’e seidauk rezista foun. (Rio)