EUA Oferese Ekipamentu Adisional Kontra COVID-19, Total Kontribuisaun Liu Ona Miliaun$5.9 no Doze 100,60 Vasina Pfizer

Smnewstl.com 01-02 2022 – Enkaregadu Negósiu Embaixada EUA Tom Daley entrega tan ba ekipamentu médiku salva-vida nian kaixa 60 ba Ministériu Saúde iha Ajénsia Fornesimentu Médiku no Farmásia Timor-Leste.

Tuir karta komunikadu ne’ebe Smnews asesu komfirma, doasaun ba fornesimentu no ekipamentu protesaun pesoál husi Forsa Aérea Pasífiku Estadus Unidus nian (PACAF) sei apoia esforsu Timor-Leste nian hodi luta hasoru COVID-19.

Valór hamutuk $20,000, ne’ebe ekipamentu sira ne ‘e inklui ekipamentu sirúrjiku,sapatu botas no ekipamentu médiku esensiál sira seluk nu’udar parte ida husu kontribuisaun ida uluk husi PACAF iha fulan-outubru tinan 2021.

“Estadus Unidus Amérika hamriik ho Timor-Leste hanesan belun no parseiru rohan laek ida tanba ita servisu hamutuk hodi kombate COVID-19,” hatete Enkaregadu Negósiu Embaixada EUA Tom Daley. “Estadus Unidus foti hela abordajen abranjente ida hodi hapara pandemia ne ‘e, hodi hamenus risku COVID-19 ba povu no sosiedade sira, no hametin rekuperasaun globál no pronto atu hasoru ameasa pandemia ne’ e iha futuru. Ami intensifika apoiu ba Timor-Leste atu salva ema nia vida tanba ida ne ‘e duni mak buat ne’ ebé loos atu halo.”

Estadus Unidus Amérika servisu hamutuk ho Governu Timor-Leste husi kedas inisiu pandemia ne’e hodi fornese vasina Pfizer doze 100,620 no millaun $5.9 iha asisténsia krítiku hodi kombate COVID-19. Ne’ e inklui fundu millaun $ 2.3 husi Komandu Indo-Pasífiku Estadus Unidus no Ajensia Estadus Unidus ba Dezenvolvimentu Internasionál (USAID) atu harii fasilidade izolamentu iha Baucau, harii unidade kuidadu móvel iha Dili, no hasa ‘e kapasidade bee no saneamentu iha sentru kuarentena iha Batugade. Esforsu ida ne’ e harii ho valór liu millaun $250 ne ‘ebé USAID kontribui ona hodi apoia dezenvolvimentu inkluzivu no pasifiku iha Timor-Leste dezde 2002.(*/rio)