Estudante 2600 Iha Instituisaun Edukativo Kristal Preparadu ba Izame Pasazen Klase

Smnewstl.com 22-11-2021 (Dili) – Estudante Ensinu Bázika Terseiru Síklu, Ensinu Sekundáriu Jerál no Ensinu Superiór hamutuk 2600 husi Instituisaun Edukativa-Fundasaun Kristal, Segunda-feira ne’e hahu ona izame ba pasazen klase.

Estudante hirak ne’e tuir Presidenti Executivo Fundasaun Kristal, Agustinho dos Santos Goncalves ba Smnews iha knar fatin justifika, kompostu husi EB 1o no 2o Ciclo Cristal, ema 278, EB 3o Ciclo Cristal ema 404 no Ensino Sekundariu Geral Privada Cristal 1.088.

Enkuanto husi fali, Ensino Sekundariu GP Cristal Filial Aileu ema 159, ESGP Cristal Filial Same Ema 230 no ESGP Cristal Filial Maliana ema 147, Ensinu Tekvok Cristal Suai 252 no Ensino Tekvok Viqueque ema 42. Tamba ne’e total eim jeral Estudante ne’ebe partisipa iha izame paisazen klase ne’e hamutuk 2600.

Executivo rekuinese, prosesu Izame finál pá pasazen klase nian la’o ho di’ak, maske hasoru difikuldade balun no numeru estudante maka hanesan mensiona iha leten.

Ligado ho Pandemia Global ne’ebe mundo infrenta no nia efeitu ba prosesu apredisagem iha Cristal rasik, Agustinho subkinha, durante implementasaun regra konfinamentu obrigatóriu ho serka sanitária implementasaun aula ba estudante sira liu deit husi online.

Nia haktuir, prosesu aprendizajen husi professores no dosentes nian halo deit rezumu ba matéria sira hafoin haruka bá estudante sira liu husi grupu WhatsApp hodi estuda.

“Bá prosesu aprendizajen iha Instituisaun Edukativa Cristal laiha problema, estudante sira sempre hetan informasaun no matéria nune’e hau hanoin ladun iha problema,”tenik resposanvel masimu Fundasaun Kristal ne’e.

Nia hatutan, durante eskola online, estudante sira partisipa ativamente tuir aulas Online, maibé, balun ne’ebé hela iha áreas rurais mak hasoru difikuldade iha liña internet atu fasilita sira eskola.

“Sira bá iha ne’ebá asvezes sira hetan difikuldade iha internet ho pulsa sira-ne’e, maibé, husi Instituisaun Edukativa Cristal iha nível ensinu hotu-hotu, sira mós prepara matéria ne’ebé sira halo rezumu depois fó haruka husi WhatsApp sira bele estuda matéria ne’ebé dosentes no professores sira prepara,” dehan nia.

Maski nune, Prezidente Fundasaun Cristal mós agradese bá governu liu-liu Ministériu Ensinu Superiór, Siénsia no Kultura (MESSK), tanba bele ajuda propinas estudante sira-nian iha semester primeiru no segundu nian.

“Ami agradese bá Ministériu Ensinu Superiór, tanba sira selu semester ida, no agora selu han bá Segundu semester, bá estudante sira-ne’ebé selu ona, ami fó fali sira-nian, bá ne’ebé mak seidauk selu, ha’u hanoin ida semester ne’ebé Ministériu Ensinu Superiór selu ami tau bá selu sira-nia propinas,” subliña nia.

Entretantu, Ministériu MESSK selu ona propinas estudante universitáriu sira durante pandemia Covid-19 ne’e, no kada estudante ho osan dólar $ 130 to’o dólar $ 150 kada semester iha kada universidade nian.

Nia hatutan, liu husi polítika Governu kona-ba ijensaun propinas ne’e, bele ajuda inan aman sira no mós ajuda instituisaun Ensinu Superiór privadu sira atu selu saláriu dosente sira nian.(ant)