Esplora Kooperasaun ho Nepal no Banglades

Smnewstl.com (Nova Yorke) – Ministra Saúde Élia dos Reis Amaral deskuti ho delegasaun husi Bangladesh no Nepal ne’ebé partisipa mos iha Assembleia Jerál ONU Kona ba possibilidadade kooperasaun iha futuru.

Ho Nepal, Ministra Saude hasoru malu ho Xefé Delegasaun Nasaun Nepal, Sewa Lamsal iha Nova-Lorke, Estadus Unidus Amérika (EUA), hodi ko’alia kona-ba reforsu kooperasaun entre Timor-Leste ho Nepal.

Antes ne’e, Governu Nepal apoiu ona Médiku Timoroan balun hala’o estudu iha área saúde matan nian no kompremetidu hodi kontinua fó apoiu ba Timor-Leste iha futuru.

Husi sorin seluk, Governu Bangladesh mos loke possibilidade atu koopera ho Timor-Leste iha área saúde no mos programa seluk tan no kompromissu ne’e tama iha agenda enkontru entre Ministra Saude ho nia homologu husi Bangladesh, Zahid Maleque. (Smnews)