Espetativa Nostaligia Entre Xanana-Horta Akontese, CNRT Hein ‘Lu-OLo’ Dekreta

Smnewstl.com 03-01-2022 (Dili) – Sura deit ona loron ba Presidente Republika, Francisco Guterres Lu-Olo hodi dektreta data ba eleisaun Presidensial no manu ain husi kandidatu potenesial balun hahu tun ona ba baze hodi konsolida.

Premiadu Nobel da Paz, Jose Ramos Horta ho Kay Rala Xanana Gusmao. Foto Espesial Net

Tuir esperensia kandidatu hirak ne’ebe konsege ultrapasa ba tu’ur iha Aitarak Laran hetan bensaun husi Komandante Eim Xefe das Falintil, Kay Rala Xanana Gusmao liu husi Partido CNRT.  Kandidatu hirak ne’e mak Premiadu Nobel da Paz, Jose Ramos Horta, Taur Matan Ruak atual Primeiru Ministro no Francisco Guterres Lu-Olo rasik.

Ba periodo 2022-2027 Partido  CNRT liderado Kay Rala Xanana Gusmao reafirma katak, sei deside ninia kandidatu rasik liu husi konfrensia. Ba SMNews iha Bairos Gerilos Dili, Presidente Conselho Diretiva Nacional, Dionisio Babo Soares dehan, CNRT mak Xanana, Xanana mak CNRT, tamba ne’e sei deside ninia kandidatura liu husi konferensia.

Nia hatutan, bainhira ema ruma lori Kay Rala Xanana Gusmao nia naran tun ba baze husu atu buka hatene didiak nune’e labele atu fiar arbiru. “CPN-CNRT sei akompanha hodi foti desizaun ne’ebe los nune’e bele partisipa no ativu iha atividades politika hanesan iha eleisaun Presidensial, ne’ebe atu mai dadaun ona, iha ne’ebe presiza identifika kandidatu atu bele kompete. Ema sira ne’ebe lori partido CNRT ho maun Xanana nia naran husu atu hare didiak, por enkuanto dadaun ne’e CNRT mos sei hein hela bainhira los mak Presidente Republika dekreta data ba eleisaun,”dehan Dionisio.

Entretantu tuir informasaun ne’ebe SMNews asesu komfirma, dadaun ne’e kuadros CNRT iha kraik diskuti namanas hela kriteria ba kandidatus husi Partido CNRT, no kriteria hirak ne’e mak hanesan,

1. Tenki Quadro Partido CNRT
2. Conhecimento sobre política externa diak:
3. Conhecimento Política interna/ nacional:
4. Abilidade iha língua official ho estrangeira:

5 Kaer metin princípio partido CNRT no executa política Partido nian:

6. Comunga PEDN:
7. Lealdade ba Partido:
8. Pronto atu Hatur fali Ordem Constitucional Iha Fatin:
9. Pronto hatur hikas ordem estado democrático iha fatin:
10. Etc

Maske partido seidauk reafirma pozisaun, maibe tuir espetativa publiku posibilidade nostalgia entre Kay Rala Xanana Gusmao ho Premiadu Nobel da Paz bele akontese hare hikas fali kriteria hirak iha leten inklui situasaun politika atual rai laran.

Veronica da Silva, estudante universitario konsidera, Horta hanesan vigura ida ne’ebe merese duni atu fila hikas ba tu’ur iha Aiatarak Laran hare ba realidade situasaun atual rai laran. Nia dehan, ejijensia komfiansa ba restaura situasaun sai preokupasaun, tamba ne’e karik Kay Rala Xanana Gusmao laran monu ba Horta sei kontribui ba solusiona problema.

Aliende ne’e, Joao da Costa povu aileba, sujere ba Horta atu labele hein deit Kay Rala Xanana Gusmao tula liman mak avansa, maibe karik bele ba ho independenti nune’e sai alternativa mos situasaun rai laran.

Hau husu ba Avo Horta atu bele kandidata a’an mos nune’e bele rezolve problema rai laran. Avo Horta nia esperensia hatudo ona, durante Presidente Republika, maske mosu kontradisoins balun ho Xanana, maibe dezenvolvimentu ne’e povu sente duni. Ami povu aileba, fa’an sasan folin duni, laos hanesan agora, ita lori tama to’o ema nia uma laran, mas ema la hola. Laos tamba lakoi hola, maibe osan mak laiha duni,”halerik Joao.

Dadaun ne’e kandidatu hirak ne’ebe hahu harame palku politika li-liu iha media social facebook mak Armanda Berta doos Santos atual Presidente Partido KHUNTO, Milena Pires, Virgilio Guterres, Antonio Benevides, Xefe Estado Maior Jeneral F-FDTL, Tanente General Lere Anan Timur no seluk tan. (Rio)