Enkontru g7+ Iha Portugal Konklui, 2022 Sei Organiza Enkontru Alto Nivel Entre Chefe Estado Hotu Iha Nova Yorke

Smnewstl.com 04-12-2021 (Portugal) Komandante Eim Xefe das Falintil, Kay Rala Xanana Gusmao atual Pessoa Eminente g7+ kontinua promove Timor Leste ba mundo liu husi g7+.

Tuir informasaun ne’ebe Smnews asesu komfirma, enkontru g7+ iha loron 30 Novembro 2021 konklui ho konkordansia ba prioridade importante balun nebe atu implementa iha tinan 2022, inklui planu atu organiza Enkontru nível altu entre Chefe do Estado iha fulan Setembro durante sesaun  77th husi Asembleia Geral Nações Unidas nian iha Nova Yorke.

Enkuantu enkontru ne’ebe g7+ organiza iha loron 30 Novembro 2021 entre Ofisial Senior sira rasik ho objetivu hodi avalia hikas progresu nebe atinji ona no identifika prioridade ba tinan oin nian kona ba halo nusa atu kontribui ba rekuperasaun husi pandemia COVID-19 no promove paz ho estabilidade iha nasaun Frajil sira.

Pesoa Eminente g7+, Xanana Gusmao no Abie Kamara husi Sierra Leão, representa Presidente g7+ maka Marka presença fizikamente no lidera dikusaun iha g7+ nian Hub iha Lisboa. Partisipantes sira mak hanesan Vice Ministru  Negocio Estrangeiro husi Liberia, Cllr. Deweh Gray no Secretario Estado ba Koperasaun Internacional husi Guinea-Bissau, S.E. Ude Fati no Ofisial Senior sira husi Union des Comores, Cote d’Ivoire, DRC, Guinea, Guinea-Bissau, Haiti, Liberia, Sao Tome e Principe, Sierra Leone, Timor Leste and Togo partisipa virtualmente liu husi  husi zoom.

Perante enkontru, diskusaun foka liu ba iha dezafius atu Kombate COVID-19 liu-liu kona ba distribuaaun husi vasina ba iha nasaun frajil sira. Membro sira konkorda katak, g7+ nudar platforma ida nebe importante ba ninian membro sira atu hato sira nia prekupasaun ba Organizasaun Mundial Saude no doadores sira seluk atu labele husik nasaun ida iha kotuk.

Enkontru ne’e konklui ho konkordansia ba prioridade importante balun nebe atu implementa iha tinan 2022, inklui planu atu organiza Enkontru nível altu entre Chefe do Estado iha fulan Setembro durante sesaun  77th husi Asembleia Geral Nações Unidas nian iha Nova Yorke. (*/rio)