Empreza Shipping Building Japaun Sei Hari Estaleiru Iha Manatuto

Smnewstl.com – Empreza Japoneza Shipbuilding C. Ltd sei estabelese estaleiru ida iha Manatutu.

Projektu ne’ebe atu implementa iha tinan 2024, bazeia ba orientasaun husi Primeiru Ministru Japoneza, Kishida Fumio.

Prezidente Empreza Tsuneishi Shipbuilding C. Ltd, Sachio Okumura informa asuntu ne’e durante simu vizita Primeiru-Ministru, Kay Rala Xanana Gusmão hodi haree direita sira nia sentru fabrika ró Kompañia Shipping Building iha área Hiroshima Tokyo, Japaun.

Prezidente Empreza Tsuneishi Shipbuilding C. Ltd, Sachio Okumura agradese tebes ba vizita PM Xanana hodi haree direita sira nia fatin, tanba antes ne’e ekipa tekniku hala’o ona peskiza iha Timor-Leste, no nota Timor-Leste sai nu’udar fatin potensiál atu investe área estaleiru (shipbuilding) hodi harii indústria shipyard iha rai ho nia luan hamutuk 970 km2 iha Munisípiu Manatutu.

“Agradese ba Primeiru-Ministru Xanana disponivel enkontru ho ami hodi atualiza no informa katak antes ekipa survei uluk na fatin balun ne’ebé atu halo investe iha Timor-Leste,” dehan Sachio Okumura
Ekipa tasik konsege identifika fatin lima, maibé depende desizaun governu Timor-Leste mak sei hatudu fatin hodi fasilita sira harii lalais fabrika ne’e.

Entretantu, iha enkontru Primeiru Ministru Japaun Kishida Fumio ho Primeiru-Ministru Xanana, Primeiru-Ministru Japaun mós mensiona kona-ba estabelesimentu estaleiru naval ne’ebé sei estabele iha Timor-Leste.
Tuir estimasaun bainhira investimentu ne’e harii sei oferese kampu traballu minimu 4.000 ba Timor-oan no sei prodús rò (vessel) hamutuk 10-12 kada tinan no sei harii eskola, ótel no ospitál.

Kompañia Tsuneishi Shipbuilding ne’e lokaliza iha área Hiroshima iha Japaun, iha fulan Agostu 2023 liubá hala’o ona vizita mai Timor-Leste hodi halo estudu no sira loke ona Japaun, Xina no Filipina no Timor-Leste.

Iha fatin hanesan, Primeiru-Ministru Xanana agradese no promote governu sei fasilita kondisaun hotu hodi fasilita Empreza Tsuneishi Shipbuilding C. Ltd bele harii ona indústria shipyard iha Timor-Leste.